Dan Ar Wern Official Website

Les Etoiles du Matin - Steredennoù ar Mintin - The Morning Stars ( 18 )

David ha Goliaz

" Truez ouzhomp , Aotrou , truez ouzhomp ,

  Rak kalz ez omp bet disprizet ... "

Salm 123 ( 122 )

da Loeiz Melennek

N'ouzon ket mat penaos e c'hellfen disklerian

Peseurt goanag krenv em spered 'ziwanas ,

Pa selaouen 'vit ar wech gentan

D'ur sul , en iliz , ouzh kann David ha Goliaz ...

Stourm Nevenoe , hini ar Chouaned

'Dalas ouzh galloud kriz ar C'hallaoued ,

N'eus ket gwerso ,

Pobloù bihan mac'het o youl dezho ,

D'en em sav bepred 'vit frankiz o bro ...

A me ho ped Mari , leun a c'hras ,

Da rein kalon dimp ho pugale war an noazh ,

Da zerc'hel penn hep ehan ouzh an alouber ,

Da ziwall dioutan hon bro ken kaer !

Hag eus hon douar Breizh 'tiwano 'r wirionez ,

Justiz , peoc'h 'boko an eil d'egile ,

Lagad an holl dud 'zigoro un deiz dic'hortoz ,

O eneoù 'vel roz a zigloz ...

Ya sur 'vo graet 'vel-se , ma mignonez ,

'Dre holl barrezioù hol ledenez ,

'Vo kanet meuleudi da Zoue en hor yezh ,

Ha spi ivez 'darzho 'nevez en hor greiz !

DAN AR WERN - Les Etoiles du Matin - 18 - David ha Goliaz - Gwengolo 2010 - Pep gwir miret strizh - All rights reserved - Tous droits réservés . " Les Etoiles du Matin " , copyright 2007 .

Taolenn : " David Enep da C'holiaz " , gant Gebhard Fugel ( 1863 - 1939 ) , livour alaman .

" E tenvalijenn ar bed-man

  E splann sklaerder an den-just ,

  Eus ar brud fall n'en deus ket aon ,

  Solut eo e galon o fiziout en Aotrou ,

  Harp he deus e galon ! N'en deus ket aon !

  Prestik e raio fae ouzh e waskerien ... "

Salm 112 ( 111 )