Dan Ar Wern Official Website

UNAN BENNAK EVEL-SE ( 17 )

E Penn an Hent

" E penn an ivarc'h troiellus

  E spurmantemp 'vel un hune

  Ar mor divent ha lugernus

  Gant e ouelioù ruz a Sine ... "

Roperzh Ar Mason - " E Kervoial " , in " Chal Ha Dichal " ( 1944 )

 Quand nous marchions ensemble

Tout au bout du chemin ,

Comme cela me semble

Si loin ...

Pa veze a-unanet

Hon skeudoù war an hent ,

E rae dimp e fent

C'hoarzh skiltr ar gwennilied ...

Ha ne welen ket ken bugale 'm c'hichen

O c'hoari el lenn ,

'Pad ma skuilhe daeroù

E korn da lagadoù ...

Miz Eost e oa , diwezh deizioù ar vakansoù ,

Ken krizh mouezh ar gwent

Pa lare dimp 'oa poent

Dizober hol liammoù ...

P'edomp e penn an hent ,

E roe d'az jod zisliv

Kuzh-heol gor e afoù ,

Kent mervel en divent ...

DAN AR WERN - Unan Bennak Evel-Se - 17 - E Penn an Hent - Genver 2011 - Pep gwir miret strizh - All rights reserved - Tous droits réservés . " Unan Bennak Evel-Se " , copyright 2007 .