Nedeleg Laouen !
              ( Kantik / Gospel )

da Santez Tereza ar Mabig Jezuz

" Breman , en em sil ennon da levenez
  Hag en em laka en-dro-din anezhi ;
  Evel ur bugel on
  Hag a ebat en ur gouel . "

 Toukârâm - "Salmoù ar Pirc'hirin " , 121 .



                          
Ken skuizh out a-wechoù ,
Goude ur gwall zevezh labour ,
Ken na vo ket
Amzer ken ,
Dit da rein
Un taol sikour
Da ziwaskan poanioù
Un nesan ...

Petra ' teus graet ,
E gwirionez ,
Da skoazian da vreur ,
A gleve re
Ouzh an anoued ?

Petra ' teus roet dezhan ,
Er bloavezh-man ,
D'e ziwall
Diouzh an dienez ?

Paour-kaezh den , 
Na c'hallo dilenn ken 
Met an diouer hag an dilez 

' Kerz ma tinto ,
Kleier e-leizh

En e benn :
 

Nedeleg laouen !

 

Ha te ,

Pet a reuzeudik a weli 
'Traon da ranndi ,
Gant ur sell ken yen
Ha dispi 
Rak da ziegi ?
 

Nedeleg laouen ,
Nedeleg laouen !

A , kanit 'ta Nouel
Ganin-me d'an Ael
A glaske bara
Davedomp ,

Heman eo ar Mabig Santel ,

Hor prof Nouel ,
Boued doueel 
Ha gwir bennozh

Ar re drugarezus ! 




DAN AR WERN - Saisons - XII - Nedeleg Laouen ! - Kerzu 1980 / Kerzu 2007 - Pep gwir miret strizh / All rights reserved / Tous droits réservés .
"Saisons " , Copyright 2006 .






                                              



                                                                                                                   
                                                                                                                 !!

" Aotrou , peur hon eus-ni Da welet , naon Dit pe sec'hed , estranjoùr pe en noazh , klanv pe er prizon , ha n'omp ket deuet war Da sikour ?

E gwirionez , M'hel lavar deoc'h , bewech ma n'ho peus ket graet kement-se evit unan eus ar re vihan-se , Din-me kennebeut n'ho peus ket her graet . "

Sant Vaze , 25 , 44 - 45 .