GUP-MOR 2 *
" Souvent , pour s'amuser ,
Les hommes d'équipage
Prennent des albatros ,
Vastes oiseaux des mers ... "
( Alies e tap moraerien
O c'hoari war o bagoù
Morc'huped ,
Evned bras-divent ar morioù ... )
Charles Baudelaire - " Les Fleurs du Mal "
( Spleen et Idéal , II - L'Albatros )
" Stars fall every time
A lover has to face the truth ... "
Dan Fogelberg - " Stars " * *
Siwazh n'em-oa ket ho kwelet
E korn va straed ,
Kement ' vall 'oa warnon
O redek buan 'dreuz ar gêr ,
Met piv 'welfe un den o vervel dilezet ,
Pa vez an engroez
O c'hoarzhin ivez didruez n'e genver ?
Abaoe ar c'heit
'M-oa kejet pell'zo ganit ,
Pa fellec'h chench holl draoù
'Raok mont kuit
War hentoù ar bed 'n ur hunvreal ,
'Vel ma tisklerie din , ma vefe dishenvel
Diouzh hon hini ken fall ...
Ur c'haner a blij din kalz
A gonte ' kouezhe ur sterenn
Bewech ma wele ur garour
Ar wirionez ,
Met breman e lardez
Ar bavez tu bennak ...
Ouzh va bro 'm-oa kredet
Adsellet 'pad un eilenn
Pa zeue-hi eus an Nenv ,
Aelez bet troc'het he divaskell
E doare ur morc'hup 'ra e dreuz
Diwar un aluzenn ,
Ha neuze , o chom sko c'hoazh e strad
Soubenn drenk e skudell ...
Hag ar c'haner a blij din
A gonte ' kouezhe ur sterenn
Bewech ma tale ur garour
Ouzh ar wirionez en diwezh ,
Met emaoc'h breman
En digenvez ...
DAN AR WERN - Puzzle , Carrefours et Labyrinthe ... XVII - Gup-Mor 2 - Gwengolo 2013 - Pep gwir miret strizh - All rights reserved - Tous droits réservés . " Puzzle , Carrefours et Labyrinthe ... " , copyright 2006 .
* " Le Chemin Perdu " ( An Hent Kollet ) - I - L'Albatros - Ar Morc'hup - The Albatross .
** " Stars " , a song by Dan Fogelberg in his " Homefree " album
( copyright 1972 Hickory Grove Music / Columbia - All rights reserved ) .