An Istor hag an Hêrezh I ( L'Histoire et l'Héritage I )
HOLEN MOR III
( Envorennoù Dan Ar Wern )
Tro-Vale e Bro ar Skeudoù ( 1 )
Evit François-René de Chateaubriand
Rakskrid : Graet 'm eus ivez gant ar skridoù-man 'vit ijinan buhez Yann Kervern II , unan eus tudennoù " Heuliad ar Sterenn " , e yaouankiz e Nisa o vezan henvel-mik ouzh va hini ( Deizlevr Yann Kervern I / Journal de Yann Kervern I ) .
" Evel an heol eo ar wirionez . Ober a ra gwelout pep tra , met da vezan sellet outi n'en em lez ket . "
Victor Hugo
" ... Rak piv 'oar pezh eo mat d'an den war red e vuhez , keit ha ma tremen deizioù dibaot e vuhez 'vel ur skeud leun a fouge hag avel . "
Qohelet , 6 .
1 - Ur Skeud 'Touez ar Skeudoù
O vezan n'ouzon netra , e tlejen anavezout holl an traoù ? Ha dav ' vefe din intent kement tra ?
Deut eo din hiziv menoz an deiz-levr-man ' pad ma valeen ' hed bali Montparnasse , un heol tomm nevez-amzer o paran warnon , hag ennon ar santad boas da vezan nemet ur skeud etre skeudoù ar c'hoariva bras a gomze anezhan dec'h da Laurence gant holl zremmoù an dud-se tro-dro a chomo estren din bepred , moarvat .
O vevan pe get ? Gwelet ' vefe an diforc'h ma'z afen kuit er-maez eus ar c'hinkladur droch-se ?
( Da Vezan Kendalc'het )
DAN AR WERN - An Istor hag an Hêrezh I - Holen Mor III - Tro-Vale e Bro ar Skeudoù ( Envorennoù eus Amzer va Yaouankiz I ) - 1 - Ur Skeud 'Touez ar Skeudoù - 15 a viz Meurzh 1990 ( adwelet : Du 2014 ) - Pep gwir miret strizh - All rights reserved - Tous droits réservés . "Tro-Vale e Bro ar Skeudoù / Balade au Pays des Ombres " , copyright 2006 - "Holen Mor " , copyright 2013 .
" Bed ar skeudoù eo bed an diavaez ,
Teurel a ra e skeud war Rouantelezh ar Sklerijenn "
Novalis , " Blüthenstaub " ( Bleudoù-Bleunv , 1804 )
commenter cet article …