L'Histoire et l'Héritage I - HOLEN MOR IV - Goanag em Digenvez ( Envorennoù eus Amzer va Yaouankiz II ) - 2 - Kanenn Vilitiz .

27 Février 2017 , Rédigé par Dan Ar Wern Publié dans #HOLEN MOR ( L'Histoire et l'Héritage ) - Pensées , Journal , Correspondance .

An Istor hag an Hêrezh I ( L'Histoire et l'Héritage I )

HOLEN MOR IV

II - Goanag em Digenvez ( 2 )

( 1990 - 1992 )

2 - Kanenn Vilitiz *

16 a viz Du 1990

M ... gaezh ,

" ... A-nevez e lugerno ar bleunioù gant an heol " , diouzh ma vez skrivet gant Francis Jammes : resevet m'eus da lizher . ( 1 )

Ha pa selaouan 'vel breman ouzh sonerezh Debussy , emaon o kavout un diskar-amzer melkoniek en-dro , unan a spin 'giz un nadoz-aer eus he divaskell diavaez an traoù . Dislavar pe varzhelezh ? P'lec'h 'man ar wirionez ?

Ne oa hini ebet da gompren va zristidigezh " pa laoske a-unvan ganto o garmoù levenez steredennoù ar mintin . " ( 2 )

Kentan skleur un deiz nenvel !

" Steuzian a ra an noz , pellaat ar stered . Setu m'eo aet en-dro d'ar gêr gant o re garedik an doused diwezhan ...

Ha me hogen o tresan dit war an traezh ar gwerzennoù-man dindan ar glav ... " ( 3 )

" Beuzet ' oa va sonj gant un dour druz nevez aet da sankan don en douar gwerso kent tarzhan hiziv eus askre tenval kondonioù an douar , tamm daeroù boull sklaer ha glan o ruilhal war vousc'hoarzh he dremm 'vel perlez glizh dindan he malvennoù serret ... ( 4 )

" 'Vel kentan pok ar garantez 'raok ma vefe roet dezhi da intent he-unan ... " ( 5 )

" Azginivelezh ar c'hras gant ur vuhez wirion a santfemp genel adarre ivez ennomp he c'halon o virvin krenvoc'h 'get anien hor boud ha pelloc'h 'get islonk distrad an dazont hag ar peurbad ; ur vuhez en he sav 'vel ur vleunienn vurzhudus e kildroioù ur bed a adkavomp fromet holl pa gemeromp penn hent Gwener pe erruomp estlammet dirak gouel drellus ar Brinsez Ishtar ... " ( 4 )

Ha padal , pa'z an war-grec'h an duchenn Montmartre da bedin 'vel dec'h ar Galon-Sakr , eo bepred skoet va hini dister-me gant He zalmadennoù ken krenv ha kanvaouus rak hon didruez Outi pa oa bet lezet en poan hag en dizeri .

'Vel un draen spern sanket don enni eo gwasket gant da zilavar , daoust d'ar vinc'hoarzhig-se a sked a-wechoù war da zremm , sin da zrantiz , arouez ur goanag nevez bennak , marteze , pa ziskouez un tamm karantez ha kenskoazell 'vit ar paourkaezh tud 'veldon-me n 'o deus hini ha netra ebet ken met digenvez pa rafe stad dezho un nebeudig tommder hepken a vignoniezh e-barzh ...

Hag er-maez , koulskoude ?

Mil bennozh dit c'hoazh , mignonez ker , 'vit da c'hêrioù gwir ,

DAN

( Da Vezan Kendalc'het )

___

DAN AR WERN - An Istor hag an Hêrezh I - Holen Mor IV - Goanag em Digenvez ( Envorennoù eus Amzer va Yaouankiz II ) - 2 - Kanenn Vilitiz - 16 a viz Du 1990 ( Adwelet : C'hwevrer 2017 ) - Pep gwir miret strizh - All rights reserved - Tous droits réservés . "Goanag em Digenvez " , copyright 2016 - " Holen Mor " , copyright 2013 .

___

Notennoù :

1-"Kanv ar Bokedoù-Laezh " ( Le Deuil des Primevères , 1901 ) , eilvet klemmgan , gant Francis Jammes ( 1868 - 1938 ) , barzh ha romantour gall .

2 - Job , 38 , 7 .

3 - "Kanennoù Bilitiz " * ( Les Chansons de Bilitis , 1894 ) , XII - Glav ar Mintin ( la Pluie au Matin ) , gant Pierre Louÿs ( 1870 - 1925 ) , barzh ha romantour gall , sonaozet gant Claude Debussy ( 1862 - 1918 ) etre 1897 ha 1901 .

4 - Stumm kozh "An Erbeder " ( Le Passeur des Mondes ) , Trede Lodenn , XII , 3 - A-Drenv da Ouel Ishtar

( Derrière le Voile d'Astarté ) .

5 - "Smarra ha Diaouled an Noz " ( Smarra ou les Démons de la Nuit , 1821 ) , gant Charles Nodier ( 1780 - 1844 ) , skrivagner romantel gall .

Taolenn : "Girl with a Peacock Fan " ( war-dro 1860 ) , gant George Frederic Watts ( 1817 - 1904 ) , livour , kizeller arouezour saoz .