/fdata%2F0309752%2Favatar.png){kind=avatar}
MEIN DIWAR VA HENT - XII - Valentine ( The End of The Game ) .
Valentine
( The End of the Game )
For Nancy and Mona ( + )
" It's seems so long ago ... "
Leonard Cohen - " Seems So Long Ago , Nancy " *
Valentine Valentine ,
It's the name , C'est le nom
Of the day you chose Du jour choisi par toi
To end the game , Pour la fin du jeu ,
In a place we used to know Dans un endroit que nous connaissions
You found so fine , Qui t'avait tant plu ,
Where long ago , Où , il y a longtemps ,
I followed you Je t'avais suivie
To dine ... Pour dîner ...
Girl of mine , Ma jolie ,
Then I guessed Alors , je te croyais là-bas
You were there quite easy to find , Si facile à trouver ,
Seein' you runnin' Te voyant courir
Alone Seule
By the seaside , Au bord de la mer ,
Maybe gone chasin' after shadows , Peut-être après des ombres ,
Just like our dreams Juste comme nos rêves
Left behind ... Laissés derrière ...
Valentine , Valentine ,
It's your smile C'est ton sourire
Upon my mind Sur mon esprit
I see for a while Que je vois un instant
Thru the waves , Parmi les vagues
Some sunligt playin ' round our boat's Lumière du soleil jouant autour des deux marins
Two seafarers , De notre bateau ,
On a siren's face like yours sur le visage d'une sirène comme le tien ,
With the same blue eyes ... Les mêmes yeux bleu ...
O , girl of mine Ô , ma jolie ,
You're my pain , Ma souffrance ,
Ebbs and flows Flux et reflux
Of " whys and hows " De " pourquoi et comment " ,
On the way you took Sur le chemin que tu pris
Showin' us your fame , Pour nous montrer ta gloire ,
Flyin' off untamed Partant indomptée
But so far , Mais si loin ,
To your land of the stars ... Vers ton pays des étoiles ...
Valentine , Valentine ,
It's the name C'est le nom
Of the day you chose Du jour où tu choisis
The end of the game ... La fin du jeu ...
DAN AR WERN - Mein Diwar Va Hent - 12 - Valentine ( The End of The Game ) - February 2011 / April 2020 - Pep gwir miret strizh - All rights reserved - Tous droits réservés . " Mein Diwar Va Hent " , copyright 2006 .
* " Seems So Long Ago , Nancy " , by Leonard Cohen , in " Songs From a Room " album , copyright 1969 by Stranger Music and Sony Music / Columbia Inc . All rights reserved .
AUBERIVE ( Trede Kelc'h ) - 11 - Istor ur Bleinier Laz-Senin - Geschichte eines Dirigents - Histoire d'un Chef d'Orchestre - Breton Version / E Brezhoneg ( 8 ) .
AUBERIVE ( 11 )
Istor ur Bleinier Laz-Senin ( 8 )
evit Gustav Mahler
e koun Herbert Von Karajan
" Hag ar pezh hoc'h eus trec'het warnoc'h
ho tougo da Zoue "
Gustav Mahler - Eil Kensonadeg , " Dasorc'hidigezh "
( Auferstehungssinfonie )
Trede Luskad
III - Auberive
Ur Licht / Stürmisch bewegt
" Seblantout a ra iskis deomp , en abeg ma ne welomp netra biskoazh met du enep hon tonkadur . "
Maurice Maeterlinck - " Peleaz ha Melizand "
16 - O seblantout bezan goloet ha debret a lec'h da lec'h e vogerioù gant gwinienn vleunv a liv rous diskar-amzer 'vel hini al Loar , e tiskouezhe bezan kousket-mik an ti-annez kozh , ken habask e hun .
Klevout a reas ar baleer , koulskoude , garm kanvaouus ul loen a savas trumm er pellder e yudadenn zic'hoanag ...
O trec'hin war e aon , en em risklas da vont a-hed ur vali blatan gantvloaziek betek un nor a veze kizellet gwenan o vleuniaoua flourdiliz gwenn kaer warni , gant ur sterenn c'hwec'h skourr ivez ha dremmoù aelezigoù war ur bodad roz-agroaz , sinoù bennak an Arouezkelc'h en o c'hichen ...
A-us dezhi , e gwasked ur c'hustodig bet sanket er voger , delwennig ur Werc'hez-Mamm o vousc'hoarzhin , ma oa sederaet ganti kalon ar gweladenner ouzh he gwelout .
Merzout a reas war un dro e oa e-harz un douribell veurdezus a veze harpet ouzh talbenn bennan ar maner , uhel dreist dezhan , neoazh , kenstaget gantan gant e doenn vein-glas c'hwec'hkornek .
Tri derez brik , aet da fall gant ar bloavezhioù , hen ambrougas betek treuzoù an ti ma savas kliked houarn anezho , debret gant ar mergl .
Ne oa d'e veno nemet e nec'h e-unan , e enkrez , a c'hellfe dont war e spered d'ober harz d'e ranellded , a yae a-dizh war vrasaat ennan .
Krog an doan ennan , e teuas tre 'barzh an ti , a hanvalas outan didud .
En adraon evelato , e welas , 'kreiz ur pezh bras goullo , un tan koad brav a strake er c'heuneud dindan vantell ur siminal kozh , giz an Azginivelezh , kempennet gant kroazioù alc'houeziek niverus , blenchoù avalaouek o fevar skourr bet livet en aour ha strewet a vokedoù roz .
" Ar sal-debrin , moarvat ? , a sonjas-en .
Arabeskennoù ha kinkladurioù blizidik ur sonerez nenvel a zeuas goude betek ennan adalek kambroù an trec'h ma c'helled , evit o tizhout , pignat davito gant diri ur skalier koad derv prenvedet a droellene meurdezus diwar ar pondalez .
Ha tra ma grape ganti , brizhaonik un nebeut , mouezh aelez flamm Marieke a savas ken dreist ken e roas from dezhan , oc'h en em silan en e ene tamm-ha-tamm , keit ha ma vo leun-barr anezhi bremaik a levenez .
C'hoari a rae " Ur Licht " , oberenn vrudet Mahler , unan eus ar sonourien a blije ar muian dezhan . Sartaat a reas dremm ar mestr pa selaouas outi gant aked , kizidik e galon :
" O Röschen rot ,
Der Mensch liegt in grösster Not ! " ( 8 )
Ken doueel hag hini un arc'hwerez e seblantas dezhan he c'han !
Degouezhet ma oa kuzh ha didrouz , kement ha ma c'helle , en etreleur gentan , ez eas Fred etrezek un trepasig strizh ma veze goulaouet anezhan gant ul lamp-moger nemeti .
Ispilhet e oa dreist an daolenn vrudet Poussin , " Bugulien Arkadia " , adskeudennet en ur vent vihanoc'h gant ul livourig all dizanv . ( 9 )
Livioù flamm dishenvel o lugernin warni dindan sked ar goulou a ziskouezhe anatoc'h dezhan ivez holl gevrinoù an denvalijenn war he dro .
O vont dousig gant e hent ouzh son skiltr ar piano , henchet a-wechoù gant e donioù flour , e pouezas goustadik ar bleinier laz-senin war zor zamzigoret ur gambrig-wele ma veze kizellet warni bleunioù gweadennet .
En ur sellad e tizoloas ur salonsig doare Loeiz C'hwezek , gwenvet e stumm hag e neuz , ma veze un tamm lorc'h koulskoude c'hoazh war lambruskoù glas-dour ha livadurioù-kamahu arc'hlas dislivet e speurennoù o taolennin dispis bugulien sinaat .
Azezet e-kreiz , e troe kein ar plac'h yaouank dezhan .
17 - Ha gwezhave , 'vit distanan gwrez he zerzhienn , e leze he sell melkonius o pellaat en tu all d'ar park .
A-dal dezhi , 'kreiz mogedoù an ezanser , e oa ul luc'hskeudenn gozh velenaet eus ar bloavezhioù daou-ugent ma anavezas-en warni , d'e veno , ur soudard eus an arme alaman .
Neuze ez eas tre en he c'hichen , dindan ar c'hantolor-skourret e strink dilufr .
" Petra ' c'hellfed gwelout pa ne weler netra ? , a sonjas c'hoazh , enkrezet . ( 10 )
Dre anien , e santas an dallez ma oa unan all ganti .
- Piv 'zo aman ? , a youc'has-hi gant nerzh , deut stenn he bizied war douchennoù ar c'hlaouier kement ha ma oa bet spontet diouzhtu rak degouezh an estren .
Ken lentet 'oa e respont ma teuas dezhi war e nan , takenn c'hlav zamziverz o roufennan gorre dourioù tenval al lenn , o lakaat e galon da dridal ha lammat krenv en e greiz 'vel hini marc'heion an Daol-Grenn na c'hlaskas nemet un dra en diwezh : gallout melezourin o ene e sell dreistdiraez o c'haredig ...
- Marieke ...
- C'hwi 'man ? , a respontas dezhan en ur c'hwezhadenn .
Trumm e kollas doareoù peoc'h meur ha parfeted wir war he dremm . Er-maez , 'oa krog ivez an avel da c'hwezhan e varradoù feuls ouzh deil ar faou dirollet , da c'hoari he c'han 'vel ma vefe bet en ur pennad blev fuilhet ganti , re ar pupli hag ar c'hren 'kreiz ar bodoù koad uhel ...
- C'hwi aman ? , ez adlavaras amgredik dezhan gorrekoc'h . Penaos oc'h deut'ta ?
Harp ouzh ar " Bösendorfer " ( 11 ) , e daolas an den e selloù hep sonjal war ur bern levrioù dispak :
" Barzhonegoù Morven ar Gouezel " ( Max Jacob ) , ur pennadoù bennak a-zivout Bro-Alamagn e-koulz an Nazied , " Bennozh Doue en Digenvez " gant Franz Liszt , diwar oberenn Lamartine ... ( 12 )
Poan he doa o terc'hel war he c'hounnar , a ruzie he divjod dislivet .
- Aet eo Heidi d'ober kefridioù , a laras evit rein ur respont dezhan , tra ma chaoke mil sonj ha dra luziet en he fenn 'vit he zerrin .
- Va zad 'zo aet da chaseal gant Lamento . Na petra'ta oc'h deut ?
- Piv bennak eo al Lamento-se ? , a eilgerias outi , kement a warizi ennan ouzh holl re chansus bevan e ser ur vestrez ken koant .
- War-nes dont en-dro d'ar gêr emaint , sur eo ! , a laras ouzhpenn evit kaout frealz hag o klask en em zifenn outan .
- Perak 'teus ket skrivet 'baoe 'n hanv diwezhan e Speier ? , a droc'has prim o fellout dezhan gouzout an holl wirionez en ur lakaat e zaouarn war he divskoaz .
- Klanv on bet ... , a strivas da enebin outan , o sonjal e yae dreist ar pal ganti kent ma vefe-hi fur a-walc'h da sioulaat pep tra .
Nag he doa bamet , gwechall , dirak ijin " he " maestro !
Ne zlefe ket dezhi bezan ken displijet ganin , a huanadas , mantr o sevel en e galon gant klask abegoù enni d'e zianzav evel-se , hag o pokat flour d'he blev evelkent ...
( Da Vezan Kendalc'het )
___
DAN AR WERN - Auberive ( Trede Kelc'h ) - 11 - Istor ur Bleinier Laz-Senin ( 8 ) - 2003 / 2011 - Pep gwir miret strizh - All rights reserved - Tous droits réservés - Breton Version / E Brezhoneg . " Auberive " , copyright 2006 .
___
Notennoù :
8 - " A , rozennig ruz !
Er brasan dienez eman an den ! "
Gustav Mahler - " Urlicht " ( Sklerijenn Andon , 1892 ) , pevare lusk an eil kensonadeg , arroud eus " Korn Achantet ar Bugel " ( Des Knaben Wunderhorn ) .
9 - " Les Bergers d'Arcadie / Bugulien Arkadia " ( Et in Arcadia Ego , doare II , 1637 / 1638 ) , taolenn Nicolas Poussin ( 1594 - 1665 ) .
10 - C/f : " Istor ur Bleinier Laz-Senin " ( 5 ) .
11 - Merk brudet pianoioù eus Vienna , savet e 1827 .
12 - " Poèmes de Morvan le Gaélique " ( Barzhonegoù Morven ar Gouezel , 1931 ) gant Max Jacob , barzh breizat ganet e Kemper ( 1876 - 1944 ) .
- " Gottessagen in der Einsamkeit " ( Bennozh Doue en Digenvez ) gant Franz Liszt ( 1811 - 1886 ) , diwar un oberenn Lamartine , Gouere 1829 , arroud eus " Harmonies Poétiques et Religieuses " ( Hensonioù Barzhel ha Relijiel , 1830 , levr I , 5 ) .
Taolenn : " Bugulien Arkadia " , gant Nicolas Poussin .
