/fdata%2F0309752%2Favatar.png){kind=avatar}
L'Histoire et l'Héritage I - HOLEN MOR II - 3 - Kentskrid " Heuliad ar Sterenn " - Ar Menez hag ar Maen - La Montagne et la Pierre - The Mountain and the Stone ( E ) .
Holen Mor II
L'Histoire et l'Héritage I
( An Istor hag an Hêrezh I )
3 - Kentskrid " Heuliad ar Sterenn " :
Ar Menez hag ar Maen
" Ne gredan ket ken an dud en hon hunvre ... "
Christoph Hein -
" Marc'heien an Daol Grenn "
( Die Ritter der Tafelrunde , teatr ,1989 )
Da enorin Richard Wagner ,
Evit Thomas Mann ,
Achantour ar " Menez Hud " , *
Hag evit va mab Eliaz ...
" Pign Davedon war ar Menez
Ha chom eno ,
Ma roin dit Taolennoù Maen ... "
Ermaeziadeg , 24 , 12 .
E - Marc'heg an Alarc'h
" O tostaat 'oa ur marc'heg 'man ,
Lufr e armoù gantan ,
N'am boa gwelet nepred da unan
Ur vertuz ken glan ... "
Richard Wagner - " Lohengrin " , Arvest I , diviz 2 .
" Ha t'eus he gwelet da unan er steredegoù : un alarc'h eo hounnezh ...
Antoine St Exupery - Gwikadell ( Citadelle , V ) .
Pa vo c'hoariet darvoudoù ken reuzus en diwezh , e chomo klok evidomp ar suspens koulskoude .
E gwirionez , ne oar den piv ' vefe , da vare dastum an " Tri Maen " , an haroz meur-se bet gortozet ha dibabet a-bell da zigerin Levr ar " Sizhunvezh Santel " , a zlefe distrein en e c'hloar , ken krenv ha leon eus meuriad Juda , gwenn evel marc'heg an Diskuliadur ? ( 44 )
Pa zeu da c'hourdrouz an Aerouant war goabrennoù an Nenv an Aelez C'halloudek Fatima , daoust ma talc'himp koun c'hoazh eus mab Yann Kervern II ha Laura , engehentet war enez Sant-Loeiz 'doug un nozvezh vezverezh e Pariz , adkavet diwezhatoc'h gant e vamm e dismantroù Rekourans ? ( 45 )
Ha petra ' teuio da vezan babig Stasia-Virjinia , bet " graet " en hevelep doare war enez Manhattan e New-York kent ma oa dleet tec'hel kuit da venez Athoz e zud hag en em lakaet ar bed da drouzal gant brudoù brezel ken spontus a bep tu ? ( 46 )
Trivet brezel bed , teirvet martezeadenn : krouadurig Estelle-Myriam , merc'h nemeti Yann Kervern II , konsevet dre vurzhud er c'hev Sezambr ha ganet goude war Aval , unan eus teir enez ar Gral !
( 47 )
Petra e teufe da vezan ?
Tri Yann , teir enez , tri maen ...
Ha tri brezel bed siwazh ivez , marteze ?
Setu 'ta skod enklask marc'heg an Alarc'h , pe hini ul lenner kurius end-eeun , a vennfe mont kuit da gerc'hat e orinoù kevrinus dreist ar Mad hag an Droug , ar Gaou hag ar Wirionez , o trehontin anezho dre vilendall ur gensonadeg etresteredel dispar hag estlammus !
Gwelloc'h 'get kavout traoù diarvar en aner , e raio hent dizehan davit splannder un tour-tan burzhudus , o vont 'vel ur pirc'hirin bamet dre vro , he arouezioù adnevezet , marvailhoù ha kontadennoù kaeran hon yaouankiz peurbadel !
ECHU
__
DAN AR WERN - An Istor hag an Hêrezh I - Holen Mor II - 3 - Kentskrid " Heuliad ar Sterenn " - Ar Menez hag ar Maen ( Marc'heg an Alarc'h ) - Mae 2013 - Pep gwir miret strizh - All rights reserved - Tous droits réservés . " Holen Mor " , copyright 2013 .
__
Notennoù :
44 - Diskuliadur , 5,5 / 6,2 .
45 - " An Trede Arc'h "
( Auberive 9 , 16 ) - Heuliad ar Sterenn III - E Galleg : Copyright Dan Ar Wern 2017 / Edilivre - Pep gwir miret strizh .
46 - " Istor ur Verc'h Zianav Gevrinus "
( Deizlevr Yann Kervern III , 5 - Testamant Fred ) - Heuliad ar Sterenn IV - E Galleg : Copyright Dan Ar Wern 2018 / Edilivre - Pep gwir miret strizh .
" Mervel e Ermioni " , V - Hanvez an Diwezhadoù ( L'Eté de la Dernière Chance ) - Heuliad ar Sterenn V - E Galleg : Copyright Dan Ar Wern 2019 / Edilivre - Pep gwir miret strizh .
47 - " Noz Sesambr " , II , 4 - Milendall , 6 - Gouel Varia Hanter-Eost ( Notenn 6 : Diskuliadur , 12 ) ha 7 - Maen an Diskuliadur - Heuliad ar Sterenn V - E Galleg : Copyright Dan Ar Wern 2019 / Edilivre - Pep gwir miret strizh .
* Gwelout pennad kentan : Anna , la petite " Brette " .
Photo : Natalie Portman ( Estelle / Elsa ) dans " Black Swan " ( Le Cygne Noir , 2010 ) , film de Darren Aronofsky , avec Mila Kunis , Barbara Hershey , Winona Ryder , Vincent Cassel ...
L'Histoire et l'Héritage I - HOLEN MOR II - 3 - Kentskrid " Heuliad ar Sterenn " - Ar Menez hag ar Maen - La Montagne et la Pierre - The Mountain and the Stone ( D ) .
Holen Mor II
An Istor hag an Hêrezh I
( L'Histoire et l'Héritage I )
3 - Kentskrid " Heuliad ar Sterenn " - Ar Menez hag ar Maen ( David ha Goliaz : 1938 - 2008 ... )
Da enorin Richard Wagner ,
Evit Thomas Mann ,
Achantour ar " Menez Hud " , *
Hag evit va mab Eliaz ...
" Pign Davedon war ar Menez
Ha chom eno ,
Ma roin dit Taolennoù Maen ... "
Ermaeziadeg , 24 , 12 .
D - Breizh , Maen-korn , Maen-touch ...
" Ha rankout a rankan-me kaout kement a boanioù , o vezan dilezet ken va-unan evel-se gant mignoned ma c'hellfen bezan lakaet da euredin ur gwaz ma oan bet ken gwallgaset ha bet graet din kant dismegans gantan , m'en deus va zalc'het kement dezhan ivez ! "
Anna Vreizh **
" Arsao hag Arzam "
Ger-stur an Arzh
Maen-korn
- Dont a ra d'ho sonj an ene yaouank-se a zle mont kuit diouzh penn pellan Breizh da zegas gerioù an nenv d'E Veurdez ? , a lavaras Flammenn ar Spered-Santel . ( 27 )
Dre Vreizh eo a blij Din adkristenaat Frans ... , a gemenn an Itron Varia da Janed-Loeiza Ramonet e fin an hanv 1938 . ( 28 )
Met ne oa ket tonket dezhi mervel kent m'en c'hoarvezas , an Europa gozh-se war he diskar bet savet war zismantroù o vogedin c'hoazh an impalaerezh C'halian-ha-Prusian ?
Rak e c'hav dezhi en aior a-wechoù , o krakvevan 'vel ur mirdi ag envorennoù etre ar muian diamzeret a-drenv d'he c'hazarnioù ha d'he ziez-retred niverus !
" Nemet d'ar re grenv 'vez douget ar bed ,
Trec'h nemeto an dud o vont hardizh dezhan ,
Hag a c'hoarzh nemet outo ,
Ar re her ... " ( 29 )
E deknokrated-winiegourien o deus kemeret dre nerzh ar winieg ken abred .
Laeret o deus an hêrezh ! ( 30 )
" N'eus ken a rezin war ar gwini ,
Gant boestoù-mir merglet ' man ar stêr o foenvin ... " ( 31 )
Ha nikun anezho , a-hend-all , ne laka van ebet ken eus e istor , e bobloù , e sevenadurioù dishenvel !
Hag evit va zammig douar , traonienn va c'harantezioù , n'en defe ket ken a ene kennebeut ?
( 32 )
N'eo ket o tont da vezan tachenn o oberiantiz war-eeun , doare kamp-arnodin dizenelaet evit labourerien gemm-digemmus un denelezh bet korvoet ha sujet da stultennoù ur gevalaouriezh vedelaet , seurt tolpad sklaved ur " Big Brother " dall ha kriz !? ( 33 )
" Setu perak e lavaran deoc'h : lamet e vo diganeoc'h Rouantelezh Doue evit bezan fiziet en ur vroad hag a ouio dastum he frouezh ... Ar maen taolet kuit gant ar re a save ti a zo deuet da vezan ar Maen-korn ! " ( 34 )
Et in Arcadia Ego ...
" Monstrant regibus astra viam ... "
Ger-stur Urzh ar Sterenn
" One road was simple
Acceptance of life ,
The other road offered sweet peace ... "
Dan Fogelberg - " Nether Lands " ***
Bez' eo ar Gral koulskoude ...
N'emaomp ket holl gwitibunan e klask ar wenodenn-se kollet a gas d'un domani ken iskis ivez ? , en em c'houlenn Alain-Fournier dezhan e-unan d'ar 4 a viz Ebrel 1910 kent anzav :
" Ar Vro Zizanv eo , hini an holl dud avat ... " , o sonjal marteze e Arkadia vrudet ma oa bet troet enni da arzhez he rouanez yaouank gant Hera , gwreg fuloret ouzh he gwaz an Doue Zeus a zogane anezhi . ( 35 )
Un tamm pred goude e varv , e teuas da vezan ur steredeg Arkaz bet ganet eus an avoultriezh-se , hini ar " C'harr-Kamm " bihan , tra ma veze anvet " Kastell-Karr " bras gant e seizh sterenn e vamm Gallisto , bet lazhet gant saezh Artemiz , a drugarez d'he c'haredig Yaou . ( 36 )
Ret eo dimp mont pelloc'h .
Padal , n'hellomp nemet merzout eo bet lakaet mat war-wel dirak an holl an arzh-se gant un aneval all
( an Alarc'h ) war ardamezoù un den istorel pouezus eus an hevelep rannvro Berri , an dug Yann , mab ar Roue Frans diazezer " Urzh ar Sterenn " . ( 37 )
Hogen , pa welomp " Kastell-Karr " bras o tiskouez an Norz steredoniel , e vez steredeg an " Alarc'h " o redek eviti eus reter da gornaouog e stumm ur groaz .
Ouzhpenn , henvel dra eo 'vit an teir sterenn eus gourizad ar " Rastell "
( Delta , Êta , Zêta Orionis ) a sav er reter da veajin 'trezek ar c'hornôg betek ul lec'h resis ma vez kavet ganto Arkturus o lugernin a-us d'ar " C'hraou " e steredeg ar " Bugul "
( hor roue Arzhur eo , anat dimp , hini " gollet " hag a zlefe mont en-dro , sanset , e deizioù diwezhan dibenn an Amzerioù ) . ( 38 )
Bez'eo ivez , 'vit piv a zigor e zivskouarn , an " Tri Roue " meneget en Aviel Mazhev bet deuet da azeulin ar Mabig Jezuz nevez-c'hanet da Vetleem , arouezioù bev eus an teir Elfenn kezivik ereet ouzh an Dreinded Santel . ( 39 )
Koulskoude , ne oant ket bet deuet da gemenn dimp war an dro ar brezel ha " Lazhadeg an Inosanted " ? ( 40 )
Ha dont a raint en-dro un deiz da zihunin a-benn ar fin ar goantenn vorgousket goude ken hir c'hortoz ?
" Me ho ped , na zihunit ket , na zihunit ket va c'harantez
A-raok ma fello dezhi ... " ( 41 )
Piv ' oar ? Anv 'vefe ganto , marteze , eus hon Europa pe vro ar C'hallaoued , Breizh diwar he fenn ?
Piv 'oar ?
An tresadur kroazhenvel-man - In Hoc Signo Vinces - am eus bet c'hoant taolennin war gartenn ar c'hwec'hkorn gall neoazh : al linenn hedredel o liamman an div gêr " Arques " ( adalek departamant an Aude betek hini ar Pas-de-Calais ) bet troc'het gant un hini all o tont eus menez Harz en Alamagn betek an Arzh er Mor-Bihan e Breizh ( adskeudennet marteze e " Sarek " , anagramm " Arques " , gant Maurice Leblanc , skrivagner ezoterek en e romant deskoni anvet " An Enez he Zregont Arched " ) .
( 42 )
Da gemenn an Hini a zeuio 'trezomp er bed-man d'hor salvin 'benn ar fin e tinijo an alarc'h gwenn 'us d'al lenn denval a zistaol skeud hon eneoù saotret ha doubl bet o c'hlask bepred un uhelvennad dreistdiraez dezho :
" Un alarc'h , un alarc'h tramor ,
War lein tour moal kastell arvor ... "
( 43 )
( Da Vezan Kendalc'het )
___
DAN AR WERN - An Istor hag an Hêrezh I - Holen Mor II - 3 - Kentskrid " Heuliad ar Sterenn " - Ar Menez hag ar Maen ( Breizh , Maen-korn , Maen-touch ... ) - Mae 2013 - Pep gwir miret strizh - All rights reserved - Tous droits réservés . " Holen Mor " , copyright 2013 .
___
Notennoù :
27 - Kemenn 21 a viz Gwengolo 1880 Maria-Julia Jahenni ( 1850 - 1941 ) , kevrinadez gatolik ganet e Blaen , e-kichen Kernitron-al-Lann ( Liger-Atlantel ) , bet meneget e levr Pierre Roberdel , " Diouganoù La Fraudais " ( Les Prophéties de La Fraudais , 1985 ) .
28 - Gweledigezhioù Janed-Loeiza Ramonet ( 1910 - 1995 ) e Kerizinen , kêriadenn gumun Gwinevez ( Penn-ar-Bed ) etre 1938 ha 1965 : levr Raoul Auclair ( 1906 - 1997 ) anvet " Kerizinen " ( 1968 ) .
29 - Deizlevr ( 27 / 10 / 1856 ) Henri Frédéric Amiel ( 1821 - 1881 ) , skrivagner , prederour suis : c/f notenn 6 , Pennad B - Menez C'hom , Menez Hud ?
30 - Mazhev 21 , 38 ( Parabolenn ar Winierien ) .
31 - " Diamonds in the Mine " ( Diamantoù er Vengleuz ) , copyright 1971 Stranger Music and Sony Entertainment Music Inc. / Columbia - All rights reserved - Leonard Cohen , from " Songs of Love and Hate " album :
" And there are no grapes upon the wine ,
( ... ) The river is swollen up with rusty cans ... "
32 - " Le Retour " ( An Distro ) in " Cet Amour-là " album , copyright Barclay 1969 - All rights reserved - gant Glenmor ( 1931 - 1996 ) , kaner ha skrivagner breizhat :
" Et voici bien ma terre ,
La vallée de mes amours ... "
33 - " 1984 " , romant skiant-faltazi George Orwell ( 1903 - 1950 ) , skrivagner saoz , embannet e 1949 , ma vez kavet ennan e dudenn veur , " Big Brother " , penn-stad Okeania : c/ f " Istor ur Verc'h Zianav Gevrinus " - 8 - La Pierre de Vie ( Maen-Buhez ) , notenn 37 .
34 - Mazhev 21 , 42 ha 43 ( Parabolenn ar Winierien ) .
35 - " Eskemm Lizhiri etre Jacques Rivière hag Alain-Fournier " , levrenn II ( Correspondance JRAF , II , 1948 , Gallimard ) - Lizher 4 / 04 / 1910 .
36 - Mitologiezh Henc'hres : " Mythology , Timeless Tales of Gods and Heroes " , 1942 , gant Edith Hamilton ( 1867 - 1963 ) , skrivagnerez alaman hag amerikan .
37 - " Urzh ar Sterenn " ( Ordre de l'Etoile ) bet diazezet d'ar 16 a viz Du 1351 gant Yann II Bro-C'hall ( 1319 - 1364 ) , lesanvet ar " Roue mat " .
38 - " Le Trésor du Graal I " ( Tenzor ar Gral I , pennad unnek , " Jean de Berry " , 2004 ) gant Jean-Pierre Alfred .
- " Le Livre de la Tradition " ( Levr an Hengoun , pennad daou , " Freuz an Temploù " / La Ruine des Temples , 1972 ) gant Jean-Michel Angebert .
Gwengel ar Roue Kollet ( Unpenn Bras hag Impalaer Kousket ) :
- " Istor ha Mojenn an Unpenn Bras " ( Histoire et Légende du Grand Monarque , 1975 ) gant Eric Muraise - " Ar Roue Kollet " ( Le Roi Caché , 1990 ) gant Yves-Marie Bercé - " Kevrinidi an Heol " ( Les Mystiques du Soleil , 1971 ) gant Jean-Michel Angebert - " Alamagn , un Istor Kuzh " ( Allemagne , une Histoire Cachée , 2012 ) gant Jacques Sourmail .
- Mojennoù Frederig I. Barbarossa ( Maen-Envor ar C'hyffhaüser ) ha Frederig II. Hohenstauffen , Impalaerien Santel Roman ha German .
- " Noz Sezambr " , II , 6 - Gouel Varia Hanter Eost ( Notenn 43 ) .
39 - " Roue ar Bed " ( Le Roi du Monde , 1927 ) gant René Guénon ( 1886 - 1951 ) , skrivagner , usvedoniour gall .
40 - Lazhadeg an Inosanted Santel : Mazhev 2 , 16-18 .
41 - Kanenn ar C'hanennoù , 8 , 4 .
42 - " An Enez he Zregont Arched " ( L'Île aux Trente Cercueils , 1919 ) gant Maurice Leblanc ( 1864 - 1941 ) , tad Arsène Lupin !
43 - Barzaz Breiz , I , 31 : An Alarc'h .
Luc'hskeudenn: Natalie Portman ( Estelle / Elsa ) e " Black Swan " ( An Alarc'h Du , 2010 ) , film Darren Aronofsky , gant Mila Kunis , Barbara Hershey , Winona Ryder , Vincent Cassel ...
* Gwelout pennad kentan : Anna , la Petite " Brette " .
** Anna Vreizh : " Istor Pobl Vreizh " ( Histoire du Peuple Breton , 1939 ) gant Maoris Duhamel ( 1884 - 1940 ) , musiker , politiker breizhat .
*** " Nether Lands " , kanenn Dan Fogelberg ( 1951 - 2007 ) e albom anezhan anvet henvel outi - Copyright 1977 Dan Fogelberg / Hickory Grove Music - Epic Records - All rights reserved .
UNAN BENNAK EVEL-SE - 20 - Vous Aimerai-je ? - Ho Karout a rin ? - Shall I Love you ?
Unan Bennak Evel-Se
( 20 )
Vous Aimerai-je ?
Vous aimerai-je en partance ,
Comme s'éloigne un coeur d'enfant
Des rives de l'adolescence ?
Premier amour
Qu'on se jurait à jamais ,
Dure-t-il plus , vraiment ,
Qu'un feu de la Saint-Jean ?
Vous aimerai-je accablé
Par tout le mal qu'on m'a fait ?
Vieux bonhomme
Au sourire économe ,
D'un coup de gomme
Effacé ...
Quand bien
Je tairais ma souffrance ,
Vous aimerai-je comme on danse ,
De peur de vous déranger ,
Sur la pointe des pieds ?
Tic-tac du métronome ,
Petite musique de ballet ,
Serait-ce lui votre homme ,
Celui qui vous plaisait ?
Vous aimerai-je à pleins traits
Sur une page blanche ,
Frêle pervenche
A l'ombre d'un cyprès ?
Vous aimerai-je en vacances ,
Grain de sable doré
Sur cette plage abandonnée ,
Comme ma pauvre existence ?
Vous aimerai-je pour la vie
Si c'était en silence ,
Mais que dirait votre mari ?
Mon Dieu , je sais déjà
Ce qu'il pense ...
ô mon amour tant rêvée ,
Chimère au coin d'une rue ,
Vous n'aurez pas plus vécu
Que l'ombre d'un regret ...
Mon inconnue , image déchirée
D'un bonheur entrevu ,
Au vent s'est envolée ...
Vous aimerai-je en partance ,
Comme s'éloigne un coeur d'enfant
Des rêves de l'adolescence ?
Premières amours
Qu'on se jurait à jamais ,
Ne durent pas plus , souvent ,
Que le temps d'un été
D'avant ...
DAN AR WERN - Unan Bennak Evel-Se - 20 - Vous Aimerai-je ? - 1983 / 2013 / Mai 2021 - Pep gwir miret strizh - All rights reserved - Tous droits réservés . " Unan Bennak Evel-Se " , copyright 2007 .
