/fdata%2F0309752%2Favatar.png){kind=avatar}
DAN AR WERN - AUBERIVE 1 ( Cycle de L' Etoile III ) - Version Bilingue - Divyezhek - Teaser ( 4ème Couv.) - Bio . Pep gwir miret strizh - Tous droits réservés - All rights reserved . " Auberive 1 " , copyright 2025 .
trilogie 3 " auberive " - danevellou
AUBERIVE 1 ( Cycle de L'Etoile III ) - Version Bilingue / Divyezhek - Teaser ( 4ème de Couverture ) / Bio .
/image%2F1535069%2F20250911%2Fob_0d1949_amantrene300.jpg)
Les Amants ( 1928 ) de René Magritte
Auberive ( 1 )
Teaser / Bio
Cette première partie est une réflexion sur la manière dont l’amour se transforme . On croit parfois qu'une personne a marqué notre vie , qu'on a trouvé l'âme sœur en elle , et puis on se rend compte , avec le temps , qu’on n’a pas vu toute la complexité de la relation . Peut-être qu’à un moment donné , l'image trop idéale qui se reflète sur le miroir de nos illusions , nous " prend pour un autre ", et nous montre une autre facette de nous-mêmes , de nos attentes , de nos désirs .
Dans cette idée de " rencontre " au bout des jours qui passent , la question de la mémoire et de ce qu'on choisit de se rappeler se pose . Les souvenirs deviennent comme des filtres , la personne qu'on pensait avoir rencontrée à un moment donné n'est plus nécessairement celle qui se présente à nous maintenant . Cela nous pousse à nous interroger : est-ce qu'on aime vraiment cette personne, ou l'idée qu'on s'en était faite ?
Publicité
AUBERIVE 1 ( Cycle de L'Etoile III ) - Version Bilingue / Divyezhek - V - Goudeskrid / Postface - Métamorphoses .
/image%2F1535069%2F20250902%2Fob_c81524_danseuse-en-flamme.jpg)
Auberive ( 1 )
Postface / Goudeskrid
V - Métamorphoses
" Oh , mon Dieu , qu'est-ce qui est pire ,
Le passé ou l'avenir ?
Charlottesville ...
Empêchez-moi de penser à cela ... "
William Styron - "Lie Down in Darkness "
( Un Lit de Ténèbres , 1951 ) , IV .
" La traversée jusqu'à cette terre fabuleuse
Où s'anéantissent nos plus belles espérances ... "
Virginia Woolf - " To the Lighthouse " ( 1927 ) Vers le Phare , I , 1 .
I - Le héros , d'abord , cherche à fuir son passé conjugal en répondant à une petite annonce , geste banal , voire trivial où le destin ( la Providence ?) le ramène en pleine face à celle qu’il voulait oublier , sa propre femme . Il ne peut échapper à lui-même . La fuite amoureuse , épiphanie paradoxale , ne mène qu’à une reconnaissance forcée : celle qu’il cherchait à retrouver ( ou effacer ) se trouve déjà là , pas avec un autre , mais avec la vérité de sa vie intime qu'il croyait pouvoir réparer , celle qui lui est rendue dans l'image fausse du miroir , et qui n'est qu’un reflet de son propre échec .
Le couple s'est retrouvé , certes , mais trop tard , dans un autre cadre , sous une autre identité , comme si leurs propres " moi " s’étaient détachées d’eux-mêmes , semblables à ces feuilles arrachées à la branche . L’éclair de reconnaissance existe , mais il ne peut réparer la chute . On a déjà le pressentiment que la société ne propose rien de nouveau , seulement un recyclage des illusions perdues . Pourtant , quelque part , subsiste une lueur : même dans la chute, la feuille garde la mémoire de l’arbre . Le couple n’a peut-être pas disparu , il a seulement , comme une feuille arrachée par le vent , changé de forme .
II - Pour parvenir à cette " métamorphose " , alors qu'il croit trouver un nouvel absolu dans la figure éblouissante d’une Américaine croisée à la montagne , l’histoire bascule dans l’onirique et le romanesque . Dans " Villeneuve ", la figure de la jeune fille cristallise une promesse d’avenir , une ouverture lumineuse , presque exotique , mais qui se délite au fil du temps . L’élan vers l'autre , devenant inaccessible , se dissout dans la confusion et le malentendu , ce rêve de printemps laissant bientôt la place à une sonate d'automne où la feuille morte d'un rêve d’amour idéalisé ne s’accomplira pas , peut-être déjà voué à une autre dimension .
III - Dans “ Celui qui Passe ”, l’éphémère devient la règle : une présence traverse , bouleverse, mais ne s’arrête pas . Cela résonne comme une parabole apocalyptique : les anges , les visions , les civilisations passent , mais l’homme reste seul sur un seuil qu’il n’a pas su franchir .
La figure du voyageur incarne la fragilité des existences croisées qui se frôlent sans vraiment s’attacher . Chaque être humain devient comme une ombre devant nous , que l’on aperçoit juste un instant avant qu’elle ne disparaisse . Ici , la mélancolie se double d’une métaphysique : le passage est la condition même de notre humanité .
IV - Dans " La Terre de nos Promesses " , pourtant , cet élan vers l’avenir , symbolisé par le vol vers New-York , est déçu , ou du moins reporté à un horizon plus lointain . La terre promise ressemble encore à une utopie jamais atteinte , comme si les feuilles mortes n'étaient que les traces de tous ces printemps qui ne sont jamais venus , donnant au motif une dimension plus large : ce n’est plus seulement un individu ou une histoire d’amour , mais toute une génération , peut-être même l’humanité , qui se demande où est passé ce pays d’espérance qui semblait nous attendre . Le narrateur se trouve devant le mirage de ses souvenirs balayés par le vent de l’histoire . L'Eldorado n’est plus à chercher dans l’amour humain , mais dans une pensée plus haute , spirituelle , que celle de la destruction de la " Cité Sainte " , dont le rêve dévasté se changeait en quête d’un ailleurs lumineux confronté au constat amer de sa ruine dans le présent , prenant ainsi l’allure d’un chant élégiaque pour l’humanité . Chaque amour manqué , chaque promesse non tenue , devenant un symbole de notre planète elle-même en train de se consumer lentement , nous livre à nos contradictions . La scène finale , où l'héroïne s’éloigne dans les bras d’une femme superbe , a la même charge symbolique qu'un instant de beauté fragile , rose qui s'effeuille et qu’on croyait pouvoir retenir , mais qui s’éparpille et s'échappe à jamais ...
DAN AR WERN - AUBERIVE 1 ( Cycle de L' Etoile III ) - Version Bilingue - Divyezhek - V - Goudeskrid / Postface - Métamorphoses - Pep gwir miret strizh - All rights reserved - Tous droits réservés - 2025 .
AUBERIVE 1 ( Cycle de L'Etoile III ) - Version Bilingue / Divyezhek - VI - Taolenn / Table des Matières .
/image%2F1535069%2F20250830%2Fob_a44845_howard-pyle-the-mermaid-1910.jpg)
Howard Pyle - The-Mermaid (1910 )
VI - Taolenn / Table des Matières
Les premiers textes d' "Auberive " furent édités dans la revue bretonne " Al Liamm " , puis repris dans le fil de l'histoire constituant par la suite " Le Cycle de L' Etoile " . Je vous invite aujourd'hui à les redécouvrir dans leur version linguistique originale .
Embannet e oa bet testennoù kentañ " Auberive " er gelaouenn vrezhonek " Al Liamm " hag adkemeret a-hed an istor a ya d 'ober "Heuliad ar Sterenn " da c 'houde . Pediñ a ran ac 'hanoc 'h hiziv da adober anaoudegezh ganto en o stumm yezhel orin .
Première Partie
I - Ar Gejadenn
La Rencontre
Seconde Partie
II - Kernevez
Villeneuve
III - An Tremeniad
Celui qui Passe
IV - Douar Hon Promesaoù
La Terre de Nos Promesses
V - Postface
Métamorphose
VI - Table des Matières
DAN AR WERN - AUBERIVE 1 ( Cycle de L' Etoile III ) - Version Bilingue - Divyezhek - VI - Taolenn / Table des Matières - Pep gwir miret strizh - All rights reserved - Tous droits réservés .
AUBERIVE ( Trede Kelc'h ) - 13 - Dorioù ar Mor-Bras - La Porte Océane - The Ocean Doorway ( 20 ) - Breton Version / E Brezhoneg .
AUBERIVE ( 13 )
Dorioù ar Mor-Bras ( 20 )
( Heuliad "Istor ur Bleinier Laz-Senin " )
" Va Doue , va Aotrou Doue ,
Perak ez eo ret Deoc'h keit-se ,
'Vit ma c'hallfen o karout ker ,
Foeltran bleunioù va nev'zamzer ? "
Francis Jammes - "Frankizennoù en Nenv "
- An Iliz Gwisket gant Delioù ( 17 ) .
Pevare Lodenn : E Penn ar Veaj
Da Enorin Lhasa de Sela ( 1972 - 2010 )
" I got caught in a storm and carried away ... " *
Trede Devezh
" Petra ' c'houzanv ar marv , nemet pezh a from ha rann ac'hanomp ? "
Thomas Mann - "Tristan " ( 1903 )
20 - Hanternoz tremen e oa .
Ouzh tor an dorgenn a-bezh e savas tamm-ha-tamm ur safar boud o vont war gresk .
Kerzhadeg ur strollad tud oc'h en em waskan mell-divell an eil egile ' oa , engroez divent trouz gantan o c'holein daskren diheverz tonnoù ar mor en noz .
Tud o fennoù tokarnet ' zispake torchadoù ha goulaouennoù-tan a bare o flamm war o binvioù marvel , hag o tougen ur groaz du war o bruchedoù e kane meuleudi d'o C'hrouer gwadek !
- Krenit , c'hwi , tud disakret , mibien Satan !
Ra vo milliget an disivouderien !
Brouez an Aotrou ' bilo anezho holl ! , a yude gourdrouzus outo .
" Peseurt Doue eo Heman ? , a laoskas a vouezh izel ar Brinsez Aleksandra 'vit rein ur respont dezho .
Hag e sellae pizh ouzh an donvor , o huanadin mantret war kement-se .
Beuzet ' oa breman ar gouloù en ur vougenn flammus a zegase d'he c'houn lazhadeg pirc'hirined ar Menez Santel ( 22 ) .
- N'eur deuet a-benn nemet E c'houwelout en E gaeran gant eost an eneoù bet advevet Gantan a ziwano eus an Douar-man 'vel eus ur parkad gwinizh divent , pep penn-ed anezhan o vont da vezan ur sterenn un deiz ...
Nimmer müsse ich ersterben ...
( 23 )
Siwazh ne voe ket 'vit komz pelloc'h .
Mennet ' oa Fred da sikour Marieke .
O vezan dall , n'he doa ket intentet houman ' oa bet troc'het gouzoug he mamm !
Kroget he doa da vouskanan ur c'hantik karantez .
N'en doe nemet re nebeut a amzer , mac'het warnan gant ur yoc'h tud gourdrouzus , 'vit damwelout splannder dibar he dremm bet treuzneuziet gant un doare joa gevrinel .
- Erru omp ! , a hopas laouen gant ur gred birvidik diveizus .
Tre da laez gant e neuz fall ken mezevellus a Varn Ziwezhan , edo un ti-kozh o taean anezhan dirak ar goullo serzh : gwintet war an devenn 'vel ur spes gouez skeud-diskeud , e seblante respont dezhan , gotek e zoare , meurdezus e dal ginklet a-leizh gant kimeraed ha gargolioù-maen moliac'hus .
Uhel dreist ar mor divent , ' oa kelc'hiet gant sapr du bras ' veze oc'h ober gward warnan ha rein gwarez dezhan gant moger krenv o c'hefioù stank .
Maner Auberive ' oa marteze .
Peurlonket gant mor an dud e steuzias ar paourkaezh plac'h .
Den ebet ne glevas ken he gerioù diwezhan .
Flamm ur sterenn-dared a entanas an oabl ...
ECHU
( Heuliet gant "Laura " )
___
DAN AR WERN - Auberive ( Trede Kelc'h ) - 13 - Dorioù ar Mor-Bras - 20 - 2008 / 2010 - C'hwevrer 2017 - Pep gwir miret strizh - All rights reserved - Tous droits réservés - Breton Version / E Brezhoneg . "Auberive " , copyright 2006 .
___
Notennoù :
22 - Montsegur " ma voe losket en un tantad bras-divent e-harz ar menez 210 disivouder d'an 16 a viz Meurzh 1244 " ( diouzh Fernand Niel , "Albiziz ha Katared " , Albigeois et Cathares , 1955 ) .
23 - "Biken ne zlefen mervel ... "
Kanaouenn : * "Rising " gant Lhasa de Sela ( 1972 - 2010 ) en he "Lhasa " albom , copyright Les Disques Audiogrammes Inc ./ Warner Music 2009 .
Publicité
AUBERIVE ( Trede Kelc'h ) - 13 - Dorioù ar Mor-Bras - La Porte Océane - The Ocean Doorway ( 18 ha 19 ) - Breton Version / E Brezhoneg .
AUBERIVE ( 13 )
Dorioù ar Mor-Bras (18 ha19 )
( Heuliad " Istor ur Bleinier Laz-Senin " )
" Va Doue , va Aotrou Doue ,
Perak ez eo ret Deoc'h keit-se ,
'Vit ma c'hallfen O karout ker ,
Foeltran bleunioù va nev'zamzer ? "
Francis Jammes - " Frankizennoù en Nenv "
- An Iliz Gwisket gant Delioù ( 17 ) .
Pevare Lodenn : E Penn ar Veaj
Da enorin Lhasa de Sela ( 1972 - 2010 )
" I got caught in a storm and carried away ... " *
Eilvet Devezh
" When the dark night seems endless , please remember me ... "
Loreena McKennitt - " Dante's Prayer " **
18 - 'Vel ur flammenn ruz bev c'hoazh dindan ludu tan bras e envorioù e tiflukas ar c'homzoù-se dioutan .
Deut e voe trumm da sonj ar beajour al levr kozh troioù-kaer en doa bamet e endervezhioù bugaleaj e bro vurzhudus Marc'heien an Daol-Grenn ...
Kredin a reas advevan un istor dreistkred en doa lennet e ti e eontr gwechall a selle ouzh unan eus e hendadoù aet kuit da Vrezel Vras ar Groaz gant Alan Fergant . ( 17 )
Goude kemeridigezh Jeruzalem e 1099 evit gwir , ' oa bet an aotrou Brekilien unan er strolladig marc'heien-se a veve bepred en-dro da Jafrez Bouillon , mestr nevez al lec'h .
Evel-se eo e anavezas heman dioutan bezans ur meuriad kantreat a orin eus Petra , gwikadell veurdezus he zemploù maen krag ruz an Nabateaned bet adkavet diwezhatoc'h gant Burckhardt hag e c'hoantaas anezhan ober ur gwel da sujidi e zouaroù tro-war-dro . ( 18 )
Estreget henn ' oa pal ergerzhadenn ar roue , neoazh , dianatoc'h : bez' edo ur vojenn o redek 'mesk ar bobl , ha majed a gomzas anv eus ur ruzvaen zoken , bet kuzhet en ur c'hev e Kumran , keriadennig ar Mor Marv . ( 19 )
Ha deut ' oa pred un diskuliadur ?
O seizh gwellan o doa graet Ben Jacob ha Myriam e verc'h , mirerien an tenzor , da brientin donedigezh o ostizidi .
Kalz en a-raok ma oant erruet anezho du-se , ' oa bet roet da c'houzout d'an ozhach-meur e vefe poent bras ma kemerfe unan bennak an dorn war e lerc'h .
E-giz-se eo ma oa bet desevet-tre gant e " Rouanez kevrinus an Traezh " Huon Koadkaden ha deut karantez foll dezhan eviti !
Poanius-mik ' oa bet touellet koulskoude anezhan un deiz ! ( 20 )
19 - " Hag e c'hellfe gwelout hep spont e zihun an den a sell ouzhoc'h pe a glask ho tivinout ? ", a vouskomz Tristan , haroz kadarn , d'e "Goantenn Vorgousket " .
" Ha mervel a rafe biken hor garantez ? " , en em c'houlenn Pelleaz o krenan 'vit e Velizand d'e dro ... ( 21 )
A-benn ur sizhun e chomas daou varc'heg hepken war al lec'h . Ha mareadoù a dremenas ...
Gant c'hwezh an nevezamzer o tont goude morz ar goanv , e tiwanas teneridigezh ' vit he c'haredig e spered ar verc'h yaouank : ur bugel a c'hanas dezhi 'ben ar fin .
Betek-henn ' oa en em roet d'e vestr korf hag ene Riou Lohieg , floc'h feal evitan .
Daoust da se en doa merzet e save enkrez war e spered deiz-ha-deiz , seurt mignoniezh en doa strivet da ziskouez gant kalon da blac'h ar gouelec'h o trein emberr d'ur garantez seul vuioc'h entanet ha distrujus ma veze ret dezhan he derc'hel kuzh ouzh pep hini .
Marteze muioc'h en abeg d'e anken eget d'e wallc'hoant e reas fall dezhi , o sonjal ne c'hellfe ket trec'hin war ur santad ken tener ha berzet outan ?
Moarvat ivez en doa glabouzet re , o klask dont da dremen e boan dre ar gwin ?
Ul lazhadeg spontus e oa !
O vuntran an holl gêriadenniz , e vennas skrapan ar maen burzhudus brezelourien , hag evel m'en doa tapet diouzhtu 'hed e c'har an traitour, ne chomas nemet ni hon-daou , me ha va zad hag , o kaout preder da vont en-dro d'e Vreizh , a zeuas a-benn da skoachan legadenn brizius Atlant-Iz en e visac'h memestra ... ( 20 )
( Da Vezan Kendalc'het )
___
DAN AR WERN - Auberive ( Trede Kelc'h ) - 13 - Dorioù ar Mor-Bras -18 ha19 - Kerzu 2004 / Du 2016 - Pep gwir miret strizh - All rights reserved - Tous droits réservés - Breton Version / E Brezhoneg . "Auberive " , copyright 2006 .
___
Notennoù :
17 - "An Erbeder " , Trede Lodenn , XI - Istor Riou Lohieg , I - An Disparti .
18 - "An Erbeder " , Trede Lodenn , XI - Istor Riou Lohieg , III - Ar C'hlask .
- Johann-Ludwig Burckhardt ( 1784 - 1817 ) , lesanvet "Scheich Ibrahim " , ergerzhour reteroniour suis a zizoloas dismantroù Petra e 1812 .
19 - Kevioù Kumran : lec'hienn henoniel o valiran a-us glann-kôrnog ar Mor Marv war diriad istorel ar provins roman Judea .
20 - "An Erbeder " , Trede Lodenn , XII - Sekred Eozen Ar Ster - Bugaleaj 1 - Ar Gral .
21 - "Tristan " ( 1903 ) , danevell Thomas Mann ( 1875 - 1955 ) , skrivagner alaman , priz Nobel lennegezh 1929 .
"Tristan hag Izold " ( 1945 / 1950 ) , gant Zavier Langleiz ( 1906 - 1975 ) , livour , engraver ha skrivagner breizhat .
"Pelleaz ha Melizand " , c'hoarigan Claude Debussy bet krouet d'an 30 a viz Ebrel 1904 war ul levrenn Maurice Maeterlinck hervez pezh-c'hoari anezhan ( 1892 ) .
Kanennoù : * "Rising " , gant Lhasa de Sela ( e "Lhasa " albom , copyright Les Disques Audiogrammes Inc. / Warner Music 2009 ) ha ** "Dante's Prayer " gant Loreena McKennitt ( e "Book of Secrets " albom , copyright Quilan Road Limited / Warner Music 1997 / 2004 ) . All rights reserved .
Taolennoù : "Tristan and Izold " ( 1902 ) , "Pelleas and Melisande " ( 1910 ) gant Edmund Blair Leighton ( 1853 - 1922 ) , livour rakrafaelour saoz .
AUBERIVE ( Trede Kelc'h ) - 13 - Dorioù ar Mor-Bras - La Porte Océane - The Ocean Doorway ( 17 ) - Breton Version / E Brezhoneg .
AUBERIVE ( 13 )
Dorioù ar Mor-Bras ( 17 )
( Heuliad " Istor ur Bleinier Laz-Senin " )
" Va Doue , va Aotrou Doue ,
Perak ez eo ret Deoc'h keit-se ,
'Vit ma c'hallfen Ho karout ker ,
Foeltran bleunioù va nev'zamzer ? "
Francis Jammes - " Frankizennoù en Nenv "
- An Iliz Gwisket gant Delioù ( 17 ) .
Pevare Lodenn : E Penn ar Veaj
Da enorin Lhasa de Sela ( 1972 - 2010 )
" I got caught in a storm and carried away ... " *
Eilvet Devezh
" When the dark night seems endless , please remember me ... "
Loreena McKennitt - " Dante's Prayer " **
AR VERED VOR
" Dour moulbennek , Lagad a vir ganit
Kement a hun dindan un ouel flamm ,
A , va feoc'h !
Paul Valery - " Ar Vered Vor "
( Le Cimetière Marin )
17 - Dre gendastum pezhioù strewet ur c'hoari miltamm luziet , e klaskas Fred ur wech ouzhpenn adkregin gant film e vuhez bleinier laz-senin brudet kaer .
Dont a reas d'em welout digenvez 'n e gambr vugel adarre , o sonjal er marv , spontet 'kreiz an denvalijenn ouzh e c'hronnan . Ha n'en doa ket treuzet an harzoù hep distro en ivez ?
Moarvat , daoust da dachennadoù tenval kevrinus bennak na oad ket 'vit diarbenn diouto , ' oa 'n em douellet e-unan 'vel meur a zen .
Neoazh , hag e c'hellfe bezan sur eus ur falssenario a roe klask breman tud da gredin hag eus ar skeudennoù ragaozet-se ' oa bet garanet don 'n e spered bet trelatet ganto ?
Emskiantek e teuas prim ouzh ar c'holoenn zister ' oa hini e gorf , o c'hedal er pellder ur sklerijennig a bede anezhan da vont 'trezek dremmwelioù all ...
'Vit e zigarezin un tamm , n'oa ket bet skoet gant un irienn vakiavelek bet steunvet outan gant ur gevredigezh guzh e gre an Nazied ?
Keal ' oa eus un dra gevrinus , a sonje , unan bet kuzhet gant an SS Von Braun d'an ampoent m'edo o tec'hel kuit ' kerzh drouziwezh an Alamaned . Meneget ' oa bet pell amzer ar Gral war a lavare , pe un dilsam vojennel bet skoachet gantan pe 'barzh ar goadeg Vrekilien pe war un enez ...
( 11 )
Heulian a reas an div vaouez .
Nepell diouzh ac'hano ' oa ur gael houarn merglet , hini ur veredig savet war un tornaod uhel-spontus hag o valiran 'vel ur vag a-us d'ar mor .
Neuze , perak ennan ur santadur ken poanius-se da vevan eurioù skrijus bepred ?
"Pell'zo eo marvet va mamm , war "he " gwall e oa ! " , a laoskas fuloret war-zu an ec'honder divent , hep bezan miret da vallozhin c'hoazh an hantervreur-se en doa e zibabet 'vit em zizober diouzh e wreg Laura na gare ket ken . ( 12 )
Ar Sklerijenn evel-just , setu pezh en dije mennet ober !
Ar wirionez nemeti 'n dije fellet dezhan he dizolein a-zivout an holl gelanoù ha korvigelloù heugus-se , gwirionez splann 'vel goulou tan-flamm an tour-tan a weled o paran war anv kizellet e re , kichen-ha-kichen , dindan ur groaz vaen-greun :
- LENA KERVERN , pianoourez , 1919-1952 .
- Kabiten BORIS " YOWAN " DAGAN , rezistant , 1909-1945 .
E vammig ' oa ' veze beziet tost d'he c'henderv pinvidik-mor war an tamm douar Breizh-man , merc'h Yann ivez , c'hoarierez veur , seurt steredenn-red he doa traiset he danvez-pried 'vit un ofiser eus ar re wellan ' barzh arme-dalc'h an Ac'huberezh .
An hini all , bet rekouret gantan e gevezer "hael " , ' oa bet dilezet nebeut a-raok an arsav-brezel war e dremenvan . Bugel bastardet avantur anezhan , ' oa henvel e donkadur ouzh hini Roll bet kouezhet war an dachenn e 1914 . ( 13 )
E sell d'an arvest-se ken trist en doa gwelet meur a wech kent , em stagas ar beajour da brederian c'hoazh war ster e vuhez .
Daoust da gement-se , e strivas da frealzin un tamm e galon , ken anat dezhan ar wir garantez e vage enni ouzh Marieke , ken pouezus ivez evitan Laura he doa 'n em ziskouezet dezhan 'n un doare ken dispar araozi !
En hag e vreur o doa bevet pep unan hep anavezout hent buhez an eil egile . Sonjoù kasoni , gwarizi ?
Piv ' c'hallfe larout petra omp hag a belec'h e teuomp ?
" Fred digenvez " , bet lesanvet a-vihan 'vel'se , en doa klasket drevezan d'e vod emzalc'h e vamm : d'e dro e doa 'n em roet ur bugel , mab ganet eus ur rusianez o tremen eno he doa savet he "C'holiaig azeulet " en he c'hêr . ( 14 )
A-drenv dezhan ' veze kazel-ha-kazel ha tavedek ar maouezed .
Hag e teuas mouezh voud Aleksandra da bellaat dioutan an nec'h ' oa 'n e galon a-wechoù 'pad nozvezhioù anhun ma veze o sonjal gant kalz morc'hedoù hiraezhus 'n doa dilezet frouezh e hil ...
- Kredin a reomp , a laras , e intente Friedrich perc'hennan ur maen burzhudus deuet eus Palestina , hag , a-drugarez dezhan , ma c'hoantae ober implij anezhan da vestronian ar bed an nazied . "
- Ne oa ket ul loen gwadsec'hedik va zad , a gendalc'has Marieke . Menegin a rae alies gerioù-man Novalis : " Davit an diabarzh an hini eo ma vez o vont an hent kevrinus ... " ( 15 )
- Marse en deus dilezet e denzor kent dleout tec'hel kuit dirak an enebourien o tont war-raok , a zisoc'has ar Brinsez .
Skedoù loar a baras a bep tu war lagad a-liv gant ar marv ar plac'h yaouank .
- Pezh en deus graet ' vijen bet eürus da vezan gouest en ober me ivez , a laras ouzhpenn bamet dirazan . Gouezet ' m eus en doa savetet kalz tud ha gant peseurt karantez ' oa drastet moarvat a-nebeudoù e galon !
Ha ne oa ket an hevelep kan gant hini an eneoù , huanad didermen bet merzet o vevan hag o skrijan war holl wagennoù ' kreiz ar mor peurbadel ?
- N'eo nemet kig distumm an holl Zouar ? , a c'houlennas ar gweladenner .
- Kouezhan a ra er puns du-tenval ar vammoù ... " , a respontas dezhan meurdezus Aleksandra o sevel he brec'h war-zu an donvor . ( 16 )
Ar Maen-korn an hini eo koulskoude , hini bet douaret e diazezoù an Oberenn , hag a zo goanag nemetan hon Daspren !
( Da Vezan Kendalc'het )
___
DAN AR WERN - Auberive ( Trede Kelc'h ) - 13 - Dorioù ar Mor-Bras - 17 - Du 2004 / Gwengolo 2016 - Pep gwir miret strizh - All rights reserved - Tous droits réservés - Breton Version / E Brezhoneg . "Auberive " , copyright 2006 .
___
Notennoù :
11 - " Istor ur Bleinier Laz-Senin " ( Auberive , 11 ) .
12 - " Ar Gejadenn " ( Auberive , 2 ) .
13 - " An Erbeder " , Trede Lodenn , XI-24 ( Koad ar Varc'heien / Le Bois des Chevaliers ) .
14 - " Istor ur Verc'h Zianav Gevrinus " ( Deizlevr Yann Kervern III , 4 ) .
15 - " Bleudoù-Bleunv " ( Blüthenstaub , 1798 ) - 16 , gant Novalis , Friedrich Leopold Von Hardenberg , lesanvet ( 1772 - 1801 ) : " Nach Innen geht der geheimnisvolle Weg ".
16 - " An Dud Zevet " ( Les Brûlés , 1960 ) gant Zoé Oldenbourg ( 1916 - 2002 ) .
Kanennoù :* " Rising " , gant Lhasa de Sela ( in " Lhasa " albom , copyright Les Disques Audiogramme Inc./ Warner Music 2009 ) , ha ** " Dante's Prayer " , gant Loreena McKennitt ( in " The Book of Secrets " albom , copyright Quinlan Road Limited / Warner Music 1997/2004 ) - All rights reserved .
Taolenn : " Friedhofseingang " ( 1825 ) gant Caspar David Friedrich ( 1774 - 1840 ) .
AUBERIVE ( Trede Kelc'h ) - 13 - Dorioù ar Mor-Bras - La Porte Océane - The Ocean Doorway ( 16 ) - Breton Version / E Brezhoneg .
AUBERIVE ( 13 )
Dorioù ar Mor-Bras ( 16 )
( Heuliad " Istor ur Bleinier Laz-Senin " )
" Va Doue , va Aotrou Doue ,
Perak ez eo ret Deoc'h keit-se ,
'Vit ma c'hallfen Ho karout ker ,
Foeltran bleunioù va nev'zamzer ? "
Francis Jammes - " Frankizennoù en Nenv "
- An Iliz Gwisket gant Delioù ( 17 ) .
Pevare Lodenn : E Penn ar Veaj
O tougen bri da Lhasa de Sela ( 1972 - 2010 )
" I got caught in a storm and carried away ... " *
Eilvet Devezh
" When the dark night seems endless , please remember me ... "
Loreena McKennitt - " Dante's Prayer " **
16 - Ouzh en em welout war ribl lenn Vrekilien 'kreiz ar goadeg adarre a skornas e wad en e wazhied . Ne oa nemet dek bloaz ...
Hudur e veze o vragal an euzhvil 'kreizik-kreiz an dour louet a-grenn , doare ur werc'hez wadek ha strobinellus warnan a-wechoù , hag a-wechoù all hini un alarc'h meurdezus ...
Daoulagad bras-divent a liv gwervaen o ibiloù boull-skarlek a sellas pizh outan didruez , re Laura pe Varieke marteze , 'vel broudoù diniver 'n e spered o teurel traoù doanius anezhan , morc'hed enno , difoupet eus froudoù ha troennoù e goustians , en un islonk distrad !
Ar Maen-Gwad gwrezus a anavezas 'touez an denvalded ifern !
Ha goude , 'vel un taol-follentez a-berzh dezhan e voe , un dra bennak diskiant a reas hep sonj hag a oa tonket c'hoarvezout adarre gantan hep na vefe emouez ne c'hellfe kontrollan poulzadoù marvus evel-se biken !
Kablus ' oa e hantervreur yaouank sur-'walc'h ivez koulskoude , a sonjas dezhan pa zirollas da ouelan o kouezhan d'an daoulin , ken gwall skoet ma oa bet gant envor o mamm varvet , " peogwir ' veze ur ranngalon vras 'vidon-me , hini nemetken er bed , p 'edoc 'h o vont kuit ken pell diouzhin ... "
Met goude bezan bet darbet dezhan beuzin ' oa saveteet gant ragevezh Doue buhez ur bugelig tri bloaz en deiz-se ! Ha kent lammat trumm en e gerc'henn 'vel un amourouzez , gloaz euzhus anezhi o chom diremed da viken , ' oa deut da darzhan trumm an tremened war-c'horre adarre !
Trein a rae Prinsez Aleksandra o tennan iskis d'he mamm en ur valkirienn c'hrons !
" Ma raio Doue ur c'hristen mat diganeoc'h , va mab , a c'hourdrouzhas anezhan , ma karo ho kas d'ur finvez eürus ! ( 7 )
Peurechuin a reas skleurennoù an tour-tan regin goude-se penn-da-benn ar ouel denval ha pounner o c'holein c'hoazh devezhioù enkrezus-se a zispac'h .
" Penaos , a c'houlennas dezhan e-unan gwall ankeniet e c'halon gant keuz ha kerse , penaos herzel ouzh al lagad didrugar ? " pa zeue en-dro stlapet 'vel ur goulou taer liv flamm d'e zaoulagad kement tra bet diskouezet amsklaer ha ken dispis gwechall dezho !
Ha ne oa ket dre furchal en ur diretenn guzh en doa gouezet eeun ivez e oa bev c'hoazh e dad wirion , ar c'horonal SS Von Braun ?
Kavet en doa zoken goloioù-lizher enni , pep hini anezho bet merket gant ur gib aour brav galfrezet warni , arouez marteze ur gevarzhe guzh ma veze bet staget an tad diaezus-se outi d'an amzer ma oa deut da Vreizh da studian yezhoniezh hag istor ar Gelted ha Drouizien gozh ha kent ma vefe deut ezel goude eus unan etre spontusan strolladoù torfedus an Istor a-vreman !
Pried Yann , hini en doa klasket likaouin dre wall-ouzh-gwall , he doa kavet gerioù tener a garantez ivez e-barzh ! ( 8 )
Kriz da glevet evel boaz ' oa bet damwelet ar wirionez tamm-ha-tamm . Tizhet en doa adkavout orin e gerentiezh alaman e Pfalz . Houman , heretik diouzh reoladoù Vatikan , he doa en em unanet gant ar "Koenigsburged " bro-Elzas en trizekvet kantved .
Met ur gudenn flemmus a vlonse e galon dreist-holl : merc'h Yann , kelennerez sonerezh e Brest , o vont kazel-ha-kazel gant un ofiser Nazi ! ( 9 )
Gwallat taol ha drochat tenergan ' oa an dra-man !
Betek kêrbenn ar Reich en doa e kaset e enklask , lec'h m'en doa furchet en dielloù en aner , avat , penn-da-benn ha krec'h-ha-traon !
Dre eurvad pe dre chans , ha gant imbourc'hioù all en doa graet er gêr ma veze ken brudet e anv hag e ampartiz ma oa deut aesoc'h dezhan kejan gant tud'zo enni , ' oa bountet da heulian 'vel-se roudoù nevez .
Dres d'an hanvezh 'raok ar brezel ' oa , a sonjas dezhan , p'hor boa bet tro d'ober ur valeadenn heoliek dre liorzh ar c'hastell Charlottenburg . ( 10 )
Un dallez , Aleksandra Von Braun , he doa kejet outan enni .
" Gouzout a rit , den yaouank , he doa anzavet gant ur vinc'hoarzhig war he muzelloù a-drenv gwer liv du he lunedigoù ront , eo gwall pounner ha ken sammus 'vit ar spered sekredoù ' zo ken eo gwelloc 'h o lezel da gousket e-lec'h m 'int douaret da viken , a gavan ... "
Gweturig ar glanvourez a gase Marieke ganti . Ken servijus ha dous 'vel un oan e oa ! Penaos 'ta e vefe chomet difrom ha diseblant dirak an dudi a lakae he gwel en e galon ?
O sonjal e petra edo ar c'hozh wrac'h-se dalc'het start war he c'hador-ruilh ?
Petra 'ta ' lare dezhi distaol skedus gouloù an heol e froud amlivet dour ar feunteunioù dre wer livet he lunedoù a skoache he dremm zislivet a zen nammet ?
Ha c'hwezh an avelig flour e deil ar c'hourliorzh , petra 'ta 'n doa sarac'het dezhi ?
( Da Vezan Kendalc'het )
___
DAN AR WERN - Auberive ( Trede Kelc'h ) - 13 - Dorioù ar Mor-Bras - 16 - Du 2004 / Mae 2016 - Pep Gwir miret strizh - All rights reserved - Tous droits réservés - Breton Version / E Brezhoneg . " Auberive " , copyright 2006 .
___
Notennoù :
7 - Erbedenn ar Gatared .
8 - "Ar Gejadenn " ( Auberive 2 ) .
9 - "An Ti Achantet " ( Heuliad ar Sterenn II ) .
10 - " Istor ur Bleinier Laz-Senin " ( Auberive 11 ) .
Kanennoù : * "Rising " gant Lhasa de Sela ( in "Lhasa " albom , copyright Les Disques Audiogramme Inc. / Warner Music 2009 ) , ha ** "Dante's Prayer " gant Loreena McKennitt ( in "The Book of Secrets " albom , copyright Quilan Road Limited / Warner Music 1997 / 2004 ) - All rights reserved .
AUBERIVE ( 3e Cercle ) - 13 - Dorioù ar Mor-Bras - La Porte Océane - The Ocean Doorway ( 15 ) - Breton Version / E Brezhoneg .
AUBERIVE ( 13 )
Dorioù ar Mor-Bras ( 15 )
( Heuliad " Istor ur Bleinier Laz-Senin " )
" Va Doue , va Aotrou Doue ,
Perak ez eo ret Deoc'h keit-se ,
'Vit ma c'hallfen Ho karout ker ,
Foeltran bleunioù va nev'amzer ? "
Francis Jammes - " Frankizennoù en Nenv "
- An Iliz Gwisket gant Delioù ( 17 )
Pevare Lodenn : E Penn ar Veaj
O tougen bri da Lhasa De Sela ( 1972 - 2010 )
" I got caught in a storm and carried away ... " *
Eilvet Devezh
" When the dark night seems endless , please remember me ... "
Loreena McKennitt - "Dante's Prayer " *
15 - " Petra ' dalv d'an den gounit ar bed-holl mar deu da goll e ene ? , a gendalc'has ar brinzes war un ton bras . ( 1 )
- Berr ' vo an amzer ganimp ... Dav ' oa dimp hon adkavout e penn hent ar veaj , a resisas ' pad ma nije kuit pell er-maez an daou alarc'h bountet gant un aezhenn skanv .
Strivan a reas d'e frealzin , o flourikat gant douster e vlev lufret hag o lenn dezhan ur pennad eus al Levr Santel :
" An avel c'hwezh e-lec'h ma kar ... " ( 2 )
Digalonekaet ha brevet gant ar glac'har ez aspedas Fred anezhi : Ra vo sellet a-druez ouzhin gant an Aotrou Doue !
Bepred e teue gouloù an tour-tan da sklerijennan bep ar mare an aod beuzet a-nevez en noz du .
- Sell'ta du-hont ! , a lavaras trumm , o tisteurel ivez dezhan luc'h gouez he daoulagad glaou-tan !
Gwel'ta ar sterenn o skedin ken dispar-se 'vel "un dra hunvreel , peurbad ha disont nemeti " ! Du-se 'man hor gwir mammvro , Douar c'hoant ar galon ' zo kelc'hiet gant e vogerioù strink ... ( 3 )
" Pegen spontus eo al lec'h-man ! , a eilgerias ouzhpenn Marieke , daoulinet uvel e-tal an arvest burzhudus-se . Va lakaat a reas mamm d'e gompren : Ti Angus eo , Dor eus an Nenv ! ( 4 )
He daoulagad glebiet gant daeroù , ez empente marteze ar benedourez dall skeudenn un tour divent o lugernin war donnoù tenval .
Ha 'vel pa vefe lakaet warnan , e veze kurunnet e volz-doenn gant teir rod-heol zamwenn o c'helc'h ha dreist kement a oufed larout o sked !
Dassenin a reas en egor ur vouezh skrijus o tougen c'hoazh barnadennoù euzhusoc'h-all !
- Setu an Alfa hag an Omega , a gemennas-hi d'an den o tridal kement gant ar spont gwelout loarioù glas Auberive ken e krede ne vefe spi ebet ken hag e vefe daonet da viken !... Setu an Hini a zo ! ( 5 )
Met e c'hellfe ar gouloù sklerijennan an hini a ra an droug ? , a seblantas respont dezhan tan spouronus an Diskuliadur-se .
Gerioù an "Hon Tad " katar o kouezhan eus genou Aleksandra 'vel eus hini un diouganez a lakaas liv e zremm goar da zont gwennoc'h c'hoazh gant re zislivet limboù nenvel warnan a sebelie relegoù saotret ar reuzeudig en ul linsel c'hloar !
- An Iliz Doue eo ! , a gemennas dezhan ar Pitia gant nerzh :
" ... Mor gouloù , peoc'h disi , Te a grouas an eneoù glan ha ket fall ... " ( 6 )
O veskan he zon heskinus gant hini an tonnoù e teue da vervel war an aod peurbadel ar Brezegenn Santel , hag en distro ar gwag ' oa klevet aspedennoù ur velegez o tibunin greun he chapeled truez :
" En deiz ken meulet-se , ro dimp hor bara dreistbedel , Da gentelioù gwirion a vo bara hon eneoù , Da wir c'horf ha priz Da wad ... " ( 6 )
Hag o tont en-dro a-nebeudoù eus goueled an islonk 'vel an eonenn bet strewet gant an avel-vor e savas envorennoù pell e vugaleaj a-rez gorre an dour ...
Skeudennoù e wall dremened a vec'hias trumm e galon dorfedour !
( Da Vezan Kendalc'het )
___
DAN AR WERN - Auberive ( Trede Kelc'h ) - 13 - Dorioù ar Mor-Bras - 15 - Du 2004 / Genver 2015 - Pep gwir miret strizh - All rights reserved - Tous droits réservés - E Brezhoneg / Breton Version . " Auberive " , copyright 2006 .
___
Notennoù :
1 - Mazhev , XVI , 26 .
2 - Yann , III , 8 .
3 - Novalis ( 1772 - 1801 ) , " Meulganoù d'an Noz " ( Hymnen an die Nacht , 1799 / 1800 ) , IV .
4 - Geneliezh , 28 , 17 : Terribilis est locus iste !
Oengus , Aonghus e gouezeleg , doue ar Garantez hag ar Varzhoniezh e mojennoù Iwerzhon .
5 - Diskuliadur , I , 8 .
6 - "Ar Re Zevet " ( Les Brûlés , 1960 ) gant Zoé Oldenbourg ( 1916 - 2002 ) .
Kanennoù : * " Rising " gant Lhasa de Sela ( in " Lhasa " albom , copyright Pladennoù Audiogramme Inc. / Warner Music 2009 ) ha * " Dante's Prayer " gant Loreena McKennitt ( in " The Book of Secrets " albom , copyright Quinland Road Limited / Warner Music 1997 / 2004 ) - All rights reserved .
Taolenn : " Le Lever de Crystal " , gant François Schlesser , liver dreistgwirvoudel e oberenn ziskouezet e Mirdi Faltaziek ( Musée Imaginaire ) kastell Ferrières ( Seine-et-Marne , Bro-C'hall ) .
Publicité
AUBERIVE ( Trede Kelc'h ) - 13 - Dorioù ar Mor-Bras - La Porte Océane - The Ocean Doorway ( 14 ) - Breton Version / E Brezhoneg .
AUBERIVE ( 13 )
Dorioù ar Mor-Bras ( 14 )
( Heuliad " Istor ur Bleinier Laz-Senin " )
" Va Doue , va Aotroù Doue ,
Perak ez eo ret Deoc'h keit-se ,
'Vit ma c'hallfen O karout ker ,
Foeltran bleunioù va nev ' amzer ? "
Francis Jammes - " Frankizennoù en Nenv " -
" An Iliz Gwisket gant Delioù " ( 17 )
Trede Lodenn : Skeudoù War ar Mor
da William Butler Yeats
( 1865 - 1939 )
Eilvet Devezh
" A , serr outo , nozvezhiad garantez ,
Ro dezho ankounac'h ken c'hoantaet o buhez ;
Kas anezho d'ar goueled ,
Hag o tieub diouzh spes touellus ar bed ! "
Thomas Mann - " Tristan "
ALEXANDRA
14 - Souezhet ' oa bet o welout div vaouez pelloc'h en em zalc'he ouzh an aspled da arvestin an donvor .
Klevout a reas unan anezho a vouslavare un dra bennak d'egile :
- Pegen brav eo bezan war vord ar mor digenvez didermen ! ( 1 )
A , en em laras dezhan e-unan , sur-'walc'h ' oa ar vouezh dibar-se ken flour o vont a-gevret en e sonj gant " kan melkoniek uhellan " ar violons hini Marieke dindan he c'habell lien louet , koulmig bihan bet treuzet he c'halon gant ur saezh ... e-kichen he c'henvaleerez o trein war e zu hag he doa dilezet he lennadenn pa santas prim edo aman ... ( 2 )
Ha 'pad ma tasskede o dremmoù sklerijenn splann loarioù Auberive , e kredas an den gwelout e vamm , ur sae vurell hir ispilhet ur ruzvaen flamm ouzh he bruched , spilhenn-alc'hwez o lugernin leun a dan warni !
- Mamm ! , a huchas trumm dezhi strafuilhet a-bezh .
Ur mousc'hoarzh eeun sioul meurded ennan e tiskoueze houman avat :
- Prinsez Aleksandra Koenigsburg eo va anv !
Hejet e gorf gant difronkadennoù skrijus , e taoulinas ' tal dezhi .
' Keit ma salmas d'he zro ar plac'h yaouank ar varzhoneg-man , ' veze taolet poanioù spontus nevez 'n e ene saotret :
- Te hag a oa bet koustians va bouedenn gizidik , te a garan da viken , a hunvre bezan dieub ! ( 3 )
O klevout mat kroz ar mor-bras divent , e fellas dezhan sevel en e sav . Hag evel ur film dirak e zaoulagad enkrezet , e sonjas d'ar paotrig a glaske e volotenn o redek war an traezh ergentaou . ( 4 )
- Ac'hanta , ne zeu nepred war wel ar wagenn , ha nepred ivez ne steuz kuit , a eilgerias dezhan an hini oadetan , pep tra 'zo brizh-heol ha skeudc'hoari nemetken , va mab , met an ene o lenvan disrannet diouzh e Zoue ...
- Neuze , perak 'ta eo deut dall Marikele ? , a aspedas outi o skuilhan daeroù 'vel ma oa seblantet gouzout netra ken a-fet-se . ( 5 )
- Piv a c'hello da frealzin , Gwerc'hez , verc'h Zion ? , ' oa ar respont hepken a deurvezas rein dezhan ... ( 6 )
( Da Vezan Kendalc'het )
___
DAN AR WERN - Auberive ( Trede Kelc'h ) - 13 - Dorioù ar Mor-Bras - 14 - Here 2004 / Gwengolo 2014 - Pep gwir miret strizh - All rights reserved - Tous droits réservés - E Brezhoneg / Breton Version . " Auberive " , copyright 2006 .
___
Notennoù :
1 - Heinrich Von Kleist ( 1777 - 1811 ) - " Ar Pezh 'Vez Santet dirak un Daolenn Friedrich " ( Empfindungen vor Friedrichs Seelandschaft , 1811 )
2 - Thomas Mann ( 1875 - 1955 ) - " Trestan " ( Tristan , 1903 )
3 - Paul Eluard ( 1895 - 1952 ) - " Lavarezh Diwar-benn Nerzh ar Garantez " ( Dit de la Force de l'Amour , 1947 ) e " Barzhonegoù Politikel , Goude " ( Poèmes Politiques , Après " , 1948 )
4 - " Istor ur Bleinier Laz-Senin " ( Auberive 11 , V , 24 ) ha " Dorioù ar Mor-Bras " ( Auberive 13 , VII , notenn 18 )
5 - " Istor ur Bleinier Laz-Senin " ( Auberive 11 , IV , 22 )
6 - Klemmganoù , 2 , 13
Taolennoù :
- Caspar David Friedrich ( 1774 - 1840 ) : " Mondaufgang über dem Meer " ( 1822 )
- P.S Kroyer ( 1851 - 1909 ) : " Summer Evening on Skagen's Southern Beach " ( Detail , 1893 )
" Say goodbye to Alexandra leaving ,
Say goodbye to Alexandra lost ... "
Leonard Cohen - " Alexandra Leaving "
in "Ten New Songs " , 2001 ,
Copyright Sony Music Entertainment Inc / Columbia Music - All rights reserved .
AUBERIVE ( Trede Kelc'h ) - 13 - Dorioù ar Mor-Bras - La Porte Océane - The Ocean Doorway ( 13 ) - Breton Version / E Brezhoneg .
AUBERIVE ( 13 )
Dorioù ar Mor-Bras ( 13 )
( Heuliad "Istor ur Bleinier Laz-Senin " )
" Va Doue , va Aotrou Doue ,
Perak ez eo ret Deoc'h keit-se ,
' Vit ma c'hallfen Ho karout ker ,
Foeltran bleunioù va nev'z-amzer ... "
Francis Jammes - "Frankizennoù en Nenv "
- An Iliz Gwisket gant Delioù ( 17 )
Trede Lodenn : Skeudoù War ar Mor ...
da William Butler Yeats
( 1865 - 1939 )
Eilvet Devezh
" War-zu pellder opal-aour meurvor Atlantel ,
Er skeud en-dro dimp kouezhe tonnoù damzu
' Skigne o skleurioù glas-pers kevrinel ,
Ha war varezioù skorn frondoù o falu ... "
Villiers de l'Isle-Adam - " Danevelloù Kriz "
Rimadell Garantez , IV , " War Vord ar Mor "
AL LIORZH
13 - Klask a rae en aner tra ma kerzhe gant herr war an aod .
Hep bezan emouez outo diouzhtu e welas bodet aman tiez bennak distro ar gêriadenn .
Ur barr anken o sevel ennan rak aon na vefe heuliet , e taolas damselloù dre guzh a-drenv dezhan hor baleer digenvez .
Oc'h en em gavout e-unan 'tal ar mor divent bremaik , ez eas goude gant penn ur wenodennig bevennet gant bodoù spern-gwenn hag agroaz .
Pellaat a reas tamm-ha-tamm diouzh ar c'hlann heoliet hogen an hent glasvezek-se pallenet a c'heot hag a vrinsoù frondus 'vit troidellan goude 'kreiz bleunioù glas ha damruz , bodadoù Beskenn-an-Itron-Varia marteze , a daole o c'hwezh vat iskis e skleurioù diwezhan an deiz .
Aonik ez eas don en ur c'hoad e strouezheier kevrinus dindan e volzoù deliek a veze trolinennoù dreist-kred gwez du bras a-us dezho .
Ha du-hont , dreist penn diwezhan ur bale hiraezhus ha tenn ' dreuz brankoù tenval ar c'hoadaj , ' vefe kinniget dezhan bevenn ur bed dianav , a sonjas gant spi ...
O trein sonjoù-se war e spered e tisoc'has en un alpenn bennak an den .
Damwelout a reas neuze ur savadur iskis dismantret o tifoupan war-c'horre ul leurenn skedus . Ur vogerenn doullet gant ur groazigell e oa , spes meurdezus a veze savet ' touez kefioù treut-eskern .
Rod an heol , bet ket c'hoazh gounezet gant kousk an noz , a zeue da skein war-eeun gant he bannoù ' kreiz he c'halon .
Relegoù bennak un abati kozh , en em laras outan e-unan o sellout anezho gant nec'h .
Diskenn a reas daou zerez pe dri neuze kent arvestin ouzh un abadenn drellus !
' Pad ma entane serr-noz pep tra e stagas da deurel a bep tu o skinoù lies heol war c'hoarioù ur feunteun veurdezus a strinke he dour 'vel ur vrumenn ouzh gorre arc'hantet he c'hibell ma veze war neunv enni daou alarc'h kaer-dispar , unan a liv du , egile hini un erc'h dinamm .
A-us d'ul liorzh lili ha roz ' veze savet un delwenn varmor o velezourin el lennig he c'hoantiz hag he braventez .
Kredin a reas Fred anavezout enni dremm e vuian-karet ...
( Da Vezan Kendalc'het )
DAN AR WERN - Auberive ( Trede Kelc'h ) - 13 - Dorioù ar Mor-Bras - 13 - Gwengolo 2004 / Gouere 2014 - Pep gwir miret strizh - All rights reserved - Tous droits réservés - E Brezhoneg / Breton Version . " Auberive " , copyright 2006 .
