PRIERES D'UN EXILE - PEDENNOU UN HARLUAD - 13 - Livioù an Deiz / Colours of the Day / Couleurs du Jour .

27 Mars 2008 , Rédigé par Dan Ar Wern Publié dans #PRIERES D'UN EXILE

Livioù an Deiz

E koun Mona ( 1982 - +2007 )

" We walked together through the gardens and graves ... " *
Dan Fogelberg

Yen an noz , lusenn ar mintin ,
Re benver 'vez livioù an deiz ,
Leun a gevrin , a gav din ,
Flour 'velti en avel vaez ...

E don eien e vev he c'halon ,
Klask a raen kaout digoll
'Vit poanioù kriz ur bed diroll
'Raok mont ganti d'hec'h Anaon ...

'Harz he bez 'm boa pedet pell ,
Re bell diouzh ar fae , ar gaoù ,
Skeud hec'h envor a-dreuz an traoù
'Zeue war wel adarre ...

Hag an tan a lak birvilh er Spered
'Giz un tamm koar o tevin en iliz ,
A daole c'hoazh e sklerijennoù ken spis ,
War denvalijenn ar vered ...

E-giz en iliz ivez an heol splann ,
War zremmoù ar sent , ar Werc'hez Vari ,
Bet distaolet 'dreuz o gwer-livet flamm ,
Skedoù dreistpar sell anezhi ...

DAN AR WERN - Prières d'un Exilé / Pedennoù un Harluad - 13 - Livioù an Deiz - Meurzh 2008 - Pep gwir miret strizh / All rights reserved / Tous droits reservés . "Prières d'un Exilé / Pedennoù un Harluad " , Copyright 2006 .

Kanaouenn : * "The Last Nail " , in "Captured Angel " ( 1975 ) , gant Dan Fogelberg - Full Moon / Epic , All rights reserved . Copyright 1975 , Hickory Grove Music / CBS Inc . All rights reserved .

Liens / Liammoù / Links : :
http://www.e-monsite.com/danarwern/ ( " News " )

" ... Ha da zegas sonj eus Katell Rivoalen ne oa mui nemet ur maen hag ur groaz prenn , hanter vrein , er vered ... "
Roparz Hemon - "Ho Kervel a Rin en Noz " ( ha marvailhoù all ) , 1970 .