PRIERES D'UN EXILE - PEDENNOU UN HARLUAD - 5 - Mouezh un Ael / The Voice Of an Angel / La Voix D'un Ange ( Breton Version / E Brezhoneg ) .

23 Mai 2006 , Rédigé par Dan Ar Wern Publié dans #PRIERES D'UN EXILE

Mouezh un Ael

E koun Ronan Huon ( 1922 - 2003 )

" Skeudenn da vuhez eo al lestr a welez ... " ( Kantik )

Pedet ' m eus en ilizig ,

Lec'h ma vezec'h alies ...

Marteze ,

Daoulinet dirak ar Werc'hez ,

' M eus devet flammenig

Ur goarenn ?

Ha goude ' m eus kerzhet pell

En digenvez ,

War-zu al lanneg c'houez ,

Evit santout gwelloc'h ennon

Ec'honder ar mor-bras ...

Neuze ' m eus klevet

Mouezh kunv un Ael

A gane flour he rimadell

D'hon Rouanez c'hlas ...

Bez ' e oa kri ar gouelani

A nije dreist din a-denn-askell ,

Bez ' e oa ivez Avel Vreizh

o youc'hal skrij he c'hounnar

A vouezh uhel ...

Hag ur vag-dre-lien ,

'Vel ur poentig bihan

A steuzie glan en dremmwel ,

Diamen ...

Gant aon evidoc'h ,

Rak ho pag en argoll ,

A luskelle , diroll ,

A-dreuz ar gwagoù ,

Mantret a-greiz va c'halon ,

Ha dic'hoanag-holl

Va sonjoù ,

Sonjet ' m eus ennoc'h ,

Dieub en diwezh ,

C'hwi , en ho puhez nevez ,

Ken digor hag ul lestr ,

A loc'he digabestr ,

War ar mor don ...

___

DAN AR WERN - Prières d'un Exilé / Pedennoù Un Harluad - 5 - " Mouezh un Ael " - 18 a viz Du 2003 - Published in AL LIAMM 342 - Breton Version / E Brezhoneg - Pep gwir miret strizh - All rights reserved - Tous droits réservés . "Prières d'un Exilé / Pedennoù un Harluad " , Copyright 2006 .