LE CHEMIN PERDU - 23 - Ha Piv Eo ar Bugel ? And Who Is the Child ? Et Qui Est l'Enfant ?

9 Novembre 2009 , Rédigé par Dan Ar Wern Publié dans #Le Chemin Perdu

Le Chemin Perdu ( 23 )

Ha Piv Eo ar Bugel ?

Da Yann , va mab

Ma 'm befe chans
D'hoc'h anavezout gwelloc'h ,
E kavfen 'vidoc'h-c'hwi anvioù ,
Marse
'Vel hini mouezhioù sklintin an dour ,
Pa 'm bije tro d'ho tivinout
E-mesk ar c'houmoul aour ,
'Kreiz nenv hon hunvreoù ...

Ha piv eo ar bugel
Hag e laki da c'henel ?

Breman e kouskez sioul ha peoc'h ,
Gwarezet-mat ,
Tamolodet e gof da vamm ,
Da galonik
Gant hec'h hini a lamm ,
Ez spered-te ,
Andonioù kozh da dremened
A red 'trezek c'hoarzh an dazont ...

Ha piv eo ar bugel
Hag en do da c'henel ?

Ma vefe tu
Da santout ar memes traoù ,
Perak ez eo deut hoc'h ene en hor c'hreiz ,
O kuitaat
Un enez da gavout tud gouez ,
Hag o selaou
Kement ger a rannomp ,
D'e goll en ec'honderioù ?

Ha piv eo ar bugel
Hag a vo ret dit genel ?

DAN AR WERN - Le Chemin Perdu - 23 - Ha Piv Eo ar Bugel ? - Mae 1983 - Embannet war AL LIAMM 284 / 285 ( Mae / Eost 1994 ) - Pep gwir miret strizh - All rights reserved - Tous droits réservés . "Le Chemin Perdu " , Copyright 1992 .