UNAN BENNAK EVEL-SE - 16 - An Avel Zizamant - Le Vent Cruel - The Ruthless Wind .

13 Avril 2010 , Rédigé par Dan Ar Wern Publié dans #UNAN BENNAK EVEL-SE ...

Unan Bennak Evel-Se ( 16 )

An Avel Zizamant

" Je me souviens des soirs là-bas ,

Mon âme au creux de ta blessure ...

C'est fini , la mer , c'est fini ... "

Léo Ferré - " La Mémoire et la Mer "

Bez'ez eus ur santad

E don ma c'halon ,

Hag a gan evidon ur sonenn ,

A glemm ivez ,

Pezh a lare ar varzh

Diwar-benn ar c'houmoul a red ,

A neuenn ...

Tra ma taoles ur sell en engroez

Hep va gwelout en e froud ,

E tiverkas trumm gwerenn ur stal

Distaol da zremm warni ,

Poultrenn hon tasmantoù

Bet strewet ganti ivez

Dizamant ...

Met da belec'h eo aet 'ta da vuhez

Ken buan , breman ,

Ken pell ouzh va hini ?

'Men eman skeud da ene ?

O selaou gloaz an avel a ran ,

A glask ac'hanout

E dismantroù

Un hunvre ...

Ma c'harantez , me az ped ,

Digarez din ma'm eus da faltaziet

Dres 'vit ur pred ,

'Vit ur rez , ur skeudenn

O koll enni ma melkoni ,

Ar c'hoant-se ennon hepken

Da dec'hout diouzh

Va zigenvez ...

Da belec'h 'ta ez afes ,

Va aelez ,

Da ven 'nijfe hepdon ,

O klask repu ,

Va c'hantreerez ?

Ha da belec'h ivez ' redfe va buhez

Tuchant ,

Pa glevan gloaz

An avel zizamant ?

DAN AR WERN - Unan Bennak Evel-Se - 16 - An Avel Zizamant - 1977 / 2010 / Mae 2021 - Pep gwir miret strizh - All rights reserved - Tous droits réservés . " Unan Bennak Evel-Se " , Copyright 2007 .

Partager cet article

Repost0

LA DEMEURE ENCHANTEE ( 2è Cercle ) - 2ème Partie - III - Viviane - Vivian - Viviana .

LE PASSEUR DES MONDES ( 1er Cercle ) - VIII - La Croisade - 11 - Messire de Brocéliande ( 8 / 9 ) .

Retour à l'accueil

Commenter cet article