SAISONS - 18 - 'Teus Hon Laosket ... Tu Nous a Laissés - You Left Us ...

26 Novembre 2016 , Rédigé par Dan Ar Wern Publié dans #Saisons

'Teus Hon Laosket ...

( Blues Tad-kozh an Nedeleg )

E koun va zad

E vo glav marteze

Pa zeui en-dro ,

Glav pe erc'h ,

N'ouzon ket c'hoazh ...

E mor-bras an dristidigezh ,

Ec'honder va enkrez ,

' Vo distaolet glas an oabl ,

Ha louet ' vo va c'halon

E traezh digenvez an izelvor ,

Liv an dizesper ,

Liv hon envor ...

Pa oa dav dit

Hon dilezel afo ,

' Teus hon laosket ,

Ha setu eno ...

Neoazh 'vel pep bloaz ,

' Savo ar c'hraou da vugale ,

Hag e paro mil gouloù tan ,

'Vel boaz ,

Eus gwezenn Nedeleg ...

Neuze ' vimp da c'hedal

An disteran trouz er siminal ,

'Vel pa ziskenne

Eus Bro ar Faltazi

Hon tad-kozh

E noz ar Baradoz ,

E noz ar spi ...

Partager cet article

Repost0

Retour à l'accueil

Commenter cet article