MEIN DIWAR VA HENT - VI - Mona Hamon .

2 Juillet 2007 , Rédigé par Dan Ar Wern Publié dans #PIERRES SUR MON CHEMIN

" Setu kemm , en hor c'horf ,

Eus red ar Vuhez ,
Hini bout bet ganet

Eus hon diskar . "

Levr Egiptat an Anaon *

Mona Hamon

" Oh Night , thou was my guide ,
Oh Night , more loving
Than the Rising Sun ... "

St-Yann-Ar-Groaz / Loreena Mc Kennitt **

da Vona + , in memoriam , ***

da Izold ,

ha da René Guénon ( 1886 - 1951 ) ,

Prederour ha Sfins ...

Kerzhet 'm eus da greizkêr en deiz-all ,
Hep pal ...
Kavet 'm eus anezhi war vord ur c'hae

Yen ha lous ,
Mona Hamon hec'h anv ,
Mona gevrin he blev rous ...

Bet' oamp bet , ni-hon-daou ,
' Barzh kombod an tren-tizh ,
Petra felle dezhi ?

Skarzhan kuit buan alese !
Enni ur c'hoant bras tec'hel 'herr da Bariz ,
Analan 'n aer all ,
" Saotr-brein , zoken ! " ,
' Laras ouzhin ,
'N ur c'hoarzhin din ...

( Diskan 1 )

Ha gout ' rez
Piv eo-hi ar goantenn ,
Ar follez-man
Deuet da c'hoari
Gant he zelenn hud
War lein ar Biramidenn ?

( Diskan 2 )

Ha gout 'rez
Da belec'h eo aet
Ar gantreadez ?
Kollet 'm eus 'vidout
An Hent Reizh ,
Va c'harantez ...

Met n'oa ket bet ' walc'h 'viti an Obeliks ,
M'eus aon ,
" Hast afo da Gaero ganin-me ! " , emezi
Goude m'he doa poket din ,
War he dremm un neuz dispi :
" Deomp breman , a-gevret ,

Da vro ar Faraon ! "

" Perak 'ta chom paour 'vel Job ,

An den spis ? " ,

A c'houlenn ouzhin trumm ken eeun ,

Rak , diouti , eo aes , da neb o vont da regin Gouel Iziz ,
Doueez an Dourioù Nenvel ,

Da zigej ivez

Arouezlunioù luziet

Ar Roue Doueel !

( Diskan 3 )

Ha gout ' rez

Piv eo-hi ar goantenn ,
Ar follez-man
Deut da c'hoari
Gant he gwalenn aour
War lein ar Biramidenn ?

( Diskan 4 )

Ha gout ' rez
Da belec'h eo aet
Ar gantreadez ?
Klasket 'm eus davedout
An Hent Reizh ,
Va c'harantez ...

Na vevomp mui dic'hlan , diskred ,
' Vel hini na c'hallo nepred
Hep feiz ,
Treuzin Gwerenn he Melezour ,
Adsked un Aelez ...

Ha kas ' raio din sklaer en diwezh

Marteze ,
Va Drouizez ,

He Selloù flour loargann
War draezhenn velen domm-gor
Ar c'halonoù c'hwerv ?

( Diskan 5 )

Abaoe tri mil bloavezh
M'he deus savet son
Red an Heol Trec'h ,
Hini ar Stêr-Veur ivez ,
Marv an Deiz ,

( Diskan 6 )

Adalek broioù du ar " Pount "
Betek ur gouloù splann nevez ,
Setu , hirgortozet ,
An Dasorc'hidigezh
Da zont !

                                         ___

DAN AR WERN - Mein diwar va Hent - 6 - Mona Hamon ( diwar un ton eus Bro-Iwerzhon ) - C'hwevrer 2005 / Gouhere 2007 - Breton Version / E Brezhoneg - Pep gwir miret strizh / All rights reserved / Tous droits réservés . " Mein diwar va Hent " , Copyright 2006 .

                                         ___


" Ne dalv da netra , pezh a dremen ,
   E-sell ar Peurbad " .

René Guénon - " Studioù war ar Gredenn Indezat "
1968 , Editions Traditionnelles .

___

Taolenn : " Portrait of Cecily Horner " ( 1895 ) ,

gant Sir Edward Coley Burne-Jones ( 1833 - 1898 ) , livour saoz .

___

* Diouzh " Luziadell ar Sfins Bras "

( " L'Enigme du Grand Sphinx " , 12 , de Georges Barbarin , 1946 ) .

** " The Dark Night of The Soul " , gant Loreena McKennitt - Barzhoneg Sant-Yann-Ar-Groaz ( 1542 - 1591 ) , in " The Mask and the Mirror " , Copyright 1994 , Quinlan Road Limited , All rights reserved .

*** Mona ( 1982 - + 2007 ) .