SAISONS - 10 - Bugeliezh - Enfance - Childhood .

3 Septembre 2007 , Rédigé par Dan Ar Wern Publié dans #Saisons

                                       Bugeliezh

" Bep mintin e tarzhe bronsoù hag e tigore bleunioù nevez ... "

Jakez Riou - "Geotenn ar Werc'hez " ( 1928 )

Keit all ' zo bet din
A-yaouank ,
Oadvezh hegoll
Ha diank ,
Hedorr evel ar roz a zigloz ,
Hiroc'h eget an herrad dibad ,
Eo berr ivez ebat
Ha bragoù ar vugale ...

En he dorn delt , he sell divent ,
M'eus klasket an hent-se
D' hor skol ,
'Vel a-gent a zerene ,
Dre c'hwezh ziverket ar c'hleiz ,
Un tres ,
Uloc'h ennon a loc'h
Gant ehanoù an hanvezh ...

Evezhier ingal , an amzer ,
Pa rede dibreder ,
Ur vell a ruilhe ' herr en avel ,
Ken pell eo aet hor bugeliezh ,
Enni , nerzh an arhent ,
Ha tarzh-an-deiz va buhez !

DAN AR WERN - Saisons - X - Bugeliezh - 1975 - Pep gwir miret strizh / All rights reserved / Tous droits réservés . "Saisons " , Copyright 2006 .