UNAN BENNAK EVEL-SE - 6 - Nisa - Nice .

29 Mai 2008 , Rédigé par Dan Ar Wern Publié dans #UNAN BENNAK EVEL-SE ...

Unan Bennak Evel-Se ( 6 )

Nisa

evit J.M.G Le Clézio

" Gwelet 'zo bet un den o vale ,
Gantan 'n e zorn un alc'hwez ... "
Nolwenn Korbell - " Ur Wech e Vo " *

Dont a rae da stlepel bili

D'an noz ,

A-wechoù war ar mor ,
Goude redek d'hounit bara ,
Unan bennak evel-se ,
Ur Brezhon o vevan ,
E-unan e Nisa ...

Ha goude e zevezh labour ,

E heuliae ar bigi ,
Roud o eon war ar mor ,

O troc'han kuit ganto ,
Ha marteze pelloc'h
Eget poan e velkoni e-unan ,
Davit dor e vro , e di ...

Skrivan 'reas dezhi ,
Gerigoù aet direspont ,
O sonjal he doa-hi
Ur vuhez all dezhi ,

Du-hont ,
Ken dishenvel
Diouzh hini
Un harluad 'kreiz an divroidi ...

Met e skuilhas daeroù puilh

e diwezh an deiz ,
O kousk en HLM ,
'Mesk estrenien
A-ziwar-laez
Ha dindan ,
E trouz dizunvan

Ar gêr vras ...

DAN AR WERN - Unan Bennak Evel-Se - 6 - Nisa - Mae 2008 / Ebrel 2021 - Pep gwir miret strizh / All rights reserved / Tous droits réservés . " Unan Bennak Evel-se " , Copyright 2007 .

* " Ur Wech e Vo " , gant Nolwenn Korbell , in " N'Eo Ket Echu " , Coop Breizh 2003 - Pep gwir miret strizh / All rights reserved .