HOLEN MOR ( L'Histoire et l'Héritage ) - Pensées , Journal , Correspondance - Lizher I - Lennegezh .

6 Mai 2006 , Rédigé par Dan Ar Wern Publié dans #HOLEN MOR ( L'Histoire et l'Héritage ) - Pensées , Journal , Correspondance .

Voici , tout d'abord , quelques extraits de lettres montrant le cheminement de ma pensée , mes influences , le canevas choisi pour bâtir la demeure / Setu arroudoù bennak eus lizheroù dishenvel am eus skrivet , hag a ziskouez doare va sonjoù , evel ma oa bet frammet va oberennoù ha levezonet ivez va mennozhioù / There you can find excerpts from different letters I have written , that shows the way I use to think , how was framed my works and also how was influenced my ideas .

Lizher I : Lennegezh

( Kentan lizher da dTudual Huon , a-zivout al Lennegezh dre-vras , hag an hini da sevel e Breizh )

" ... Arouezek eo evel just skritur KERNEVEZ , ( embannet war AL LIAMM 336 - C'hwevre 2003 ) ha relijiel an danvez war un dro . Eürus on bewech ma lennan skridoù diwar-benn al Lennegezh , hag hiziv , da skouer , ur studi frouezhus gouestlet da vMaodez Glanndour , prederour ha barzh kevrinel breizhat .

Heman a gomz eus kefridi an arzour , " ... dezrevell d'e vreudeur an holl wirionez , douarel ha nenvel ... da ziskouez a-drenv an dremmwelioù ..." ( Komzoù Bev ) , " ... da zigerin ar prenestroù , gaoliata dreist an harzoù , bezan dizoloerion , kavadennin an traoù tostan hag an traoù pellan , ar Bed ha Breizh en ur mont-dont eus an eil d'egile ... "

" Hent ar Skrivagner " en deus taolennet ivez Roparzh Hemon en e levr brudet , " Ur Breizhad oc'h Adkavout Breizh " : " gant ul lennegezh pobl , e vez skrivet gantan , n'hon eus aman , evit an amzer-vreman , netra d'ober . Netra d'ober kennebeut gant ul lennegezh na fell dezhi bezan nemet hini ur rannvro . "

Va fal ivez eo da zisplegan santadurioù un den harluet war an douar , evel m'o deus graet a-raok Leonard Cohen pe Youenn Gwernig , da skouer .

Va danevell ziwezhan , DOUAR HON PROMESAOU ,( embannet war AL LIAMM 348 - C'hwevrer 2005 ) a echu e-barzh an aerborzh Kennedy evel ma oa kroget hini gentan an drilogiezh e-kreiz porzhouarn Lions e Pariz . Hag an teir ' zo liammet etrezo .

Petra eo dibun an istor ?

Tremenet eo amzer emdouelloù ar yaouankiz . Ugent vloaz goude , e kej a-nevez hon harozed e-barzh ur c'harr-nij . Tec'hidi int deut da vezan , hag o chom c'hoazh war ho c'hoant da gavout ur ster bennak d'o buhez , o tizolein tamm-ha-tamm ivez e oa ar vuhez-se dishenvel-tre diouzh ar pezh a gredent ober ganti . Redek a reont broioù da guzhat o droug-hirnez .

N'ouzont mui resis piv int . Ha setu ar goulenn a reomp a-benn ar fin : da betra e talvezo hor falszigarezioù dirak an Tonkadur ? Ha graet hon eus ar pezh a oa dleet deomp ober ?

Awenet eo bet va labour gant skrivagnerien vrudet evel Thomas Mann , Scott Fitzgerald , Carson McCullers , Annemarie Schwarzenbach ...

Emsellerezh hag enklask psikologel ( Bredelfennerezh ) , o deus gounezet brud ganto arzourien evel Proust ha Zweig , a gavan mat da lakaat em skridoù ivez ... "

DAN AR WERN - 5 a viz mae 2002 - HOLEN MOR ( L'Histoire et l'Héritage ) - Pensées , Journal , Correspondance / Lizher I - Lennegezh .