LE CHEMIN PERDU - 9 - Bretoned Da Gentan ! - Bretons First Of All ! - Bretons D'Abord !

15 Février 2007 , Rédigé par Dan Ar Wern Publié dans #Le Chemin Perdu

Le Chemin Perdu ( 9 )

Bretoned Da Gentan !

Evit Vefa Ha Ronan

" ... E don o daoulagad ,

Un tan iskis a bar , yen ha disked . "

Roparz Hemon , "Ar Rozenn Du " .

Bretoned omp da gentan !

N'eus forzh e pe lec'h

Emaomp o vevan ,

War inizi gwenn ha du ,

En digenvez , en harlu ...

Bretoned , da gentan !

' Vit difenn douar kozh

Hor re henan ,

' Enep dezo krizh ha gwall

Ar re ne gomzont

Nemet eus kornôg Bro-C'hall !

Mibien omp d'an donvor ,

Moraerien an ec'honder ,

A savo dalc'hmat , war o listri ,

Gouelioù digor ,

Da glask roudoù 'r skleurenn zoueel guzh

En o c'hreiz ,

Steredenn ar Vintin a bar ivez

Er pellder ...

Ganeomp ' c'hwezho krenv an avel ,

He c'han bepred

' Vel un awen ,

' Gaso 'c'hanomp

E-kichenn Enezenn

Ar Yaouankiz hag ar Vuhez

Peurbadel !

"Avel ar Frankiz " a-denn askell ,

Hini 'r wennili , an durzhunell ,

An Alarc'h Du ' zeuio en-dro

Un devezh ,

Hini hon Breizh , hini " Gwalarn " ,

Avel hor Feiz ,

Avel walarn 'drec'ho da vat

En diwezh !

Bretoned omp da gentan !...

___

DAN AR WERN - Le Chemin Perdu - 9 - Bretoned Da Gentan ! - Eost 1983 , adnevezet 2003 / 2004 , bet embannet war AL LIAMM 345 ( Eost 2004 ) - Pep gwir miret strizh / Tous droits réservés / All rights reserved . "Le Chemin Perdu " , Copyright 1992 .

" Den frank , ar mor a gari bepred ! " ( Homme libre , toujours tu chériras la mer ! )

Charles Baudelaire - "Les Fleurs Du Mal " ( Bleunioù An Droug ) - Spleen et Idéal ( Spleen hag Uhelvennad ) , XIV , "L'Homme et la Mer " ( An Den hag ar Mor ) .