AMAN HAG AHONT - XI - Follentez Nedeleg - Xmas Madness - La Folie de Noël .

17 Décembre 2010 , Rédigé par Dan Ar Wern Publié dans #Aman Hag Ahont

Follentez Nedeleg

Pennad Unnek

18 a Viz Du 2010

Ma teuec'h a-benn da drec'hin war Halloween e-pad ma voe diouer a esans , o klask gwall ziwezhat da zic'hizan ho pugale en ur dilhad sitrouillez 'barzh ur gourc'hmarc'had e rannoù goullo dic'hoanag , e stokoù diviet abaoe ur pemzektez ha ne rae forzh an dra-se dezhan ( Petra 'zo Halloween , a-hend-all ? ) , emaoc'h darev 'vit follentez Nedeleg !

Leun-chouk eo dija parklec'hioù ar memes gourc'hmarc'had , ha kroget eo tanvadenn kef Nedeleg dindan c'harlantez dredan niverus , e-doug ma vez klasket gant pep hini en aner ur c'halender Azvent a zeuio bremaik da vezan - Aotrou ker , e vije bet ret deoc'h mont dezhan abretoc'h ! - sorc'henn ur paourkaezh hunvreer !

Ne vije ket bet ret ober war e zro pa veze gwerzhioù distro-skol en o barr , e derou miz Gouere , evel ma ouzoc'h moarvat ?

Met e-kenver ar c'hoariell-man ken karet ( Beyblade ? ) , na gortozit ken pell : pleustrin a ra an holl dud 'vit an dibennoù-sizhun diwezhan , hag a vo " gwadek " a-walc'h , sanset !

Evit lavaret berr , peace and love !

Ha degouezhet 'vo 24 a viz Kerzu , koulskoude , gant bezan ken tenn hon nervoù , ken diskaret ivez ar saprennoù ?

Gwelloc'h 'vefe pedin ha prederian , a respontfec'h din eveljust !

Ya , sur 'walc'h ! Met gant bugale ken yaouank ha ken leun a startijenn hag a vuhez ... E berr gomzoù , Pask laouen !