AN ERBEDER ( Kelc'h Kentan ) - VIII - Brezel ar Groaz - 11 - An Aotrou Brekilien ( 18 - Myriam , Plac'h an Traezh ) .

19 Octobre 2023 , Rédigé par Dan Ar Wern Publié dans #An Erbeder - Le Passeur Des Mondes

Kelc'h Kentan : Da Darzh an Deiz ...

An Erbeder ( IX )

Trede Lodenn

/ Brezel Ar Groaz /

" Un Arouez kevrinus ' zo er Maen ,

Engravet don 'n E wad tanflamm ... "

Novalis - " Heinrich Von Ofterdingen "

- Ar Skarbouklen .

- Myriam -

11 - An Aotrou Brekilien ( 18 )

( Lizher Roll / Dornskrid ar Mestr )

" Palefarzhet an aour d'an unanvet ha pevarvet , e hoc'h-gouez spontet en sabel ; adpalefarzhet en arc'hant d'an eilvet ha trivet gant daou dour amzerioù aour kranellet gant pevar pezh en gul ha leinet gant peder vrizhenn en erminoù . "

Ardamezioù Brekilien

" Ar c'hwileien-raden n'o deus ket a roue hag ez eont er-maez holl dre vandennoù . "

Krennlavarioù , 30 , 27 - ( Ger ar Roue Salomon ) .

Istor Riou Lohieg

III - Ar C'hlask

18 - Myriam , Plac'h an Traezh

" Yann ger ,

Ma'z eus tro dit da lenn anezhan , e tle kavout ken hir al lizher-man ha ken iskis ivez va

istor !

Penaos e rein dit da gompren ?

Abaoe ken pell n'em eus ket skrivet dit , rak er " gouelec'h " edon o vevan ... Diwar wel e oas aet te ivez hep lezel tamm roud ebet met un damskleur bennak e-touez an tevennoù , hini ur soudard en Uhagarr , war am eus klevet ... ( 31 )

Met , ' vel ar pajennoù-man . em gollo un deiz hor poanioù brasan e poultr un hunvre dreistdiraez ... ( 32 )

Marv eo ar Mestr , ha 'vel Gedeon deut da zistrujan aoter Baal emaon , o prientin mont da vrezelin 'vit ur wech diwezhan ! ( 33 )

Echu eo ar fest 'benn ar fin , hag ur wech ouzhpenn hon eus lezet hor chans da dremen dre dennan re ziwezhat gant hor fuzuilhoù , o chom en argoll , ni , paourkeizh margo-

dennoù , hep gallout kompren petra resis a c'hoarvezhe dimp , jostramed hirisus horjellet dre'n avel , o tonkad loariek bet goulaouet gant ur skleurenn ken gwan hag ar pezh omp deut a-wechoù da vezan !

En em astennet on e teñvalijenn ur bed oc'h echuiñ . Sellout a ran ouzh skeudoù cheñch-dicheñch ar solier , ' zo flouret , a-dreuz ar gwerennoù louzet , gant gouloù morlivet ul letern-straed ...

Daoust ha dont a ra eus goueled ar c’hantvedoù ? Dalc'h da soñj ! Myriam e veze graet anezhi ganeomp , merc'h an traezh

e oa !

Mil bloaz zo e oa ! "

( Da Vezan Kendalc'het )

____

DAN AR WERN - An Erbeder ( Kentan Kelc'h ) - VIII - Brezel ar Groaz - Trede Lodenn - 11 - An Aotrou Brekilien ( 18 - Myriam , Plac'h an Traezh) - Pep gwir miret strizh - All rights reserved - Tous droits réservés . "An Erbeder " ( Le Passeur des Mondes ) , copyright 2005 SGDL / Dan Ar Wern hag Arbredor.com 2007 ha 2008 ( Numerical Version ) - Breton Version / E Brezhoneg .

____

Notennoù :

31 - Hoggar ( " Uhagarr " e yezh tamachekek ar Verbered ) , torosad e kornôg ar Sahara ma oa lec'hiet " L'Atlantide " ( An Atlantis , 1919 ) romant brudet Pierre Benoit . Mammvro an Douareged .

32 - Le Passeur des Mondes ( " An Erbeder " , XI , 24 : Koad ar Varc'heien ) .

33 - Istor Gedeon , Barnerien VI , 1 da 8 , 35 .