AN ERBEDER ( Kelc'h Kentan ) - VIII - Brezel ar Groaz - 11 - An Aotrou Brekilien ( 20 - Arouez an Trec'h ) .

4 Septembre 2025 , Rédigé par Dan Ar Wern Publié dans #An Erbeder - Le Passeur Des Mondes

Emgann Askalon - 1843 , kastell Versailhez / Bataille d'Ascalon - 1843 , château de Versailles - gant Jean-Victor Schnetz ( 1787 - 1870 ) , livour gall .

Kelc'h Kentan : Da Darzh an Deiz ...

An Erbeder ( IX )

Trede Lodenn

/ Brezel Ar Groaz /

" Un Arouez kevrinus ' zo er Maen ,

Engravet don 'n E wad tanflamm ... "

Novalis - " Heinrich Von Ofterdingen "

- Ar Skarbouklen .

- Myriam -

11 - An Aotrou Brekilien ( 18 )

( Lizher Roll / Dornskrid ar Mestr )

" Palefarzhet an aour d'an unanvet ha pevarvet , e hoc'h-gouez spontet en sabel ; adpalefarzhet en arc'hant d'an eilvet ha trivet gant daou dour amzerioù aour kranellet gant pevar pezh en gul ha leinet gant peder vrizhenn en erminoù . "

Ardamezioù Brekilien

" Ar c'hwileien-raden n'o deus ket a roue hag ez eont er-maez holl dre vandennoù . "

Krennlavarioù , 30 , 27 - ( Ger ar Roue Salomon ) .

Istor Riou Lohieg

III - Ar C'hlask

20 - Arouez an Trec'h

" Siwazh , berrbad e voe al levenez ! Turked Siria ha Persia , ur c'henemglev bet skoulmet ganto hag an an egiptated abalamour d 'an aloubadeg kristen , en em lakaat da gerzhet war Askalon , kêr vihan tost d'an aod .

C'hoant o doa , n'eo ket hepken adc'hounit o douaroù , met ivez dresañ an dismegans hon doa taolet , a sonje dezho , dre hon stourmadennoù dirollet , war o frofed !

Evel-se eo , just a-raok ar Gorroidigezh , en em gavout a reas ur wech ouzhpenn hon holl armeoù , ennañ dek mil marc'heger ha tri mil martolod , ouzh an enebourien !

Ouzh an " Azoparded " e vimp enebet e-pad ar stourm , strollad arme etiopiat eus ar gwellan , o dremmoù livet gant livioù spontus , hag a lakae , en ur vroudañ o c'hrizoù spontus a loened gouez , ur goumoulennad a zardoù marvel da c'hlavan war hon tokennoù-houarn ! ( 34 )

Daoust da se , o vezan ne c'halle netra kregiñ da blegan kalon hor re , ne zaleas ket da vezan faezhet ar renkennadoù enep !

Met , diouzh ma oa bet desket war-lerc'h , e resevas ur bir e-kreiz e gerc'henn an Aotroù Brekilien , a glaske digeriñ un hent da zug Normandi en ur lakaat e zorn war vanniel vras an tud divadez !

Gant an intrudu kalonek-se , e c'hallas hennezh , koulskoude , kemer pennkarter o fenn , ar vizir El-Afdal . ( 35 )

Evel-se e voe roet arouez an trec'h ! An argaderien a dec'has kuit . Met evit a selle ouzh ma mestr , ne ouien ket hag-eñ e oa bev pe varv bepred 'vit ar poent ...

( Da Vezan Kendalc'het )

____

DAN AR WERN - An Erbeder ( Kentan Kelc'h ) - VIII - Brezel ar Groaz - Trede Lodenn - 11 - An Aotrou Brekilien ( 18 - Myriam , Plac'h an Traezh) - Pep gwir miret strizh - All rights reserved - Tous droits réservés . "An Erbeder " ( Le Passeur des Mondes ) , copyright 2005 SGDL / Dan Ar Wern hag Arbredor.com 2007 ha 2008 ( Numerical Version ) - Breton Version / E Brezhoneg .

____

Notennoù :

34 - Emgann Askalon ( 12 a viz Eost 1099 ) : stourm a rae war o daoulin ar soudarded etiopiat , a veze graet " Azoparts " anezho gant kronikourien ar mare-hont , o lañsañ bernioù saezhoù war ar vrezelourien kristen , hag oc'h ober ivez gant freilhoù spontus , armet gant bouloù-houarn evit terriñ penn ar c'hezeg .
( " Histoire des Croisades " ( Istor ar C'hroaziadegoù , 7 levrenn , 1812 / 1822 , gant Jean-François Michaud ).