AN ERBEDER ( Kelc'h Kentan ) - VIII - Brezel ar Groaz - 11 - An Aotrou Brekilien ( 19 - Dor an Nenv ) .

3 Septembre 2025 , Rédigé par Dan Ar Wern Publié dans #An Erbeder - Le Passeur Des Mondes

Kemer Jeruzalem gant ar Groazied d'ar 15 a viz Gouere 1099 / Prise de Jerusalem par les Croisés le 15 juillet 1099 - Emile Signol ( 1847 ) .

Kelc'h Kentan : Da Darzh an Deiz ...

An Erbeder ( IX )

Trede Lodenn

/ Brezel Ar Groaz /

" Un Arouez kevrinus ' zo er Maen ,

Engravet don 'n E wad tanflamm ... "

Novalis - " Heinrich Von Ofterdingen "

- Ar Skarbouklen .

- Myriam -

11 - An Aotrou Brekilien ( 18 )

( Lizher Roll / Dornskrid ar Mestr )

" Palefarzhet an aour d'an unanvet ha pevarvet , e hoc'h-gouez spontet en sabel ; adpalefarzhet en arc'hant d'an eilvet ha trivet gant daou dour amzerioù aour kranellet gant pevar pezh en gul ha leinet gant peder vrizhenn en erminoù . "

Ardamezioù Brekilien

" Ar c'hwileien-raden n'o deus ket a roue hag ez eont er-maez holl dre vandennoù . "

Krennlavarioù , 30 , 27 - ( Ger ar Roue Salomon ) .

Istor Riou Lohieg

III - Ar C'hlask

19 - Dor an Nenv

" Edomp o paouez aloubiñ Jeruzalem . Kerkoulz ha promesaet en doa din en diagent , e oa aet Huon er-maez da gentañ war-zu bez ar C'hrist . Poan em boa heuliañ anezhañ , kement ha ma c'houzañven gant ur c'hloazadenn em c'har kleiz , abalamour d 'un tenn semterenn .

A-bell e welen anezhañ o c'hoari leun a fulor gant e gleze lemm " Bresilien ",
o trein anezhan en aer heuliet gant an arme breizhat a-bezh tro-dro d 'hon dug . Sevenet e voe hor gouestl d'ar 15 a viz Gouere 1099 , deiz benniget ar c'hras Doue , nebeut war-lerc'h teir eur goude merenn .

Daoust ha ne oa ket bet gwelet e Menez-Olived Sant-Jord o reiñ dimp tu ur gounid hon doa hunvreet ken evel ur c'harantez dibosupl e kuzh hor c'halon?

Ha bremañ 'oa bet graet an traoù , ha dieubet e oa ar bez Santel !

Gwelet a ran c'hoazh daoulagad glebiet ma c'hompagnuned o zreid noazh hag o fennoù dizoloet , hag en em ziskennas dirak Jezuz da noz end-eeun , o krediñ bezañ treuzet a-dreuz dor an Nenv en iliz an Dasoc'hidigezh !

Met daoust ha gallout a reer en em erbedin ouzh ar Salver en ur ober torfedoù ken spontus?

Devezhioù a-leizh a dremenas hep na vefe paouezet gant ar lazhadeg !
Ouzhpenn ur sizhunvezh e oa bet ret gortoz evit lakaat ar c'horfoù da vont da get er straedoù hag el lec'hioù foran !

Da vreudeur ne voe ket bet roet truez outo muioc'h eget re all , Myriam !
Tan a oa bet er sinagogenn .
Ar mennozh en em zialan a lakae ar c'hasoni da dalvezout , a oa enni ene ur bern soudarded gristen !

D'ar mare-se , ' voe naetaet kêr tamm-ha-tamm . Annezidi nevez a lojas en tiez kozh . Dilennet 'oa bet Jafrez Bouillon , a veze un den eeun gant un deoliezh don , da roue ha difenner al " Lec'hioù Santel " , met nac'h a reas anezhan dougen kurunenn ar roue , o soñjal ne oa 'met mab Doue ' oa dellezek outi amañ !

A-benn nebeut , a-hend-all , 'oa bet adkavet ar gwir Groaz , ha fellet e oa da bep hini he lakaat da vezañ diskouezhet trec’h war holl blasoù ar gêr !

( Da Vezan Kendalc'het )

____

DAN AR WERN - An Erbeder ( Kentan Kelc'h ) - VIII - Brezel ar Groaz - Trede Lodenn - 11 - An Aotrou Brekilien ( 18 - Myriam , Plac'h an Traezh) - Pep gwir miret strizh - All rights reserved - Tous droits réservés . "An Erbeder " ( Le Passeur des Mondes ) , copyright 2005 SGDL / Dan Ar Wern hag Arbredor.com 2007 ha 2008 ( Numerical Version ) - Breton Version / E Brezhoneg .