UNAN BENNAK EVEL-SE - 2 - Ur Yezh All - Une Autre Langue - Another Language .

26 Novembre 2007 , Rédigé par Dan Ar Wern Publié dans #UNAN BENNAK EVEL-SE ...

Unan Bennak Evel-Se ( 2 )

Ur Yezh All

" Neuze e teuen da gompren va yezh ,

met ne vefe ket roet dezho

d'he intent ... "
Annemarie Schwarzenbach

( 1908 - 1942 ).

" An Draonienn Evurus "

( " Das Glückliche Tal " , 1938 ).

" Evel un den e oa a glev ur yezh dispar , ha gwrez ennan a ginnig skrivan er yezh-se ... "

Rainer Maria Rilke ( 1875 - 1926 ).

" Notennoù Malte Laurids Brigge "

( " Die Aufzeichnungen Malte Laurids Brigge " , 1910 ) .

Evit Janed Ark

Glan an diwel ,
An Nenv em sell ,
Hunvre zisplann ,

Ha diavaezh ha diabarzh
E welan , dianav din ,

Skleurennoù
E traoù kuzh

O koll en avel lemm
'Vel ur c'hlemm foll ...

Ha rannet ' oa bet va c'halon
Pa zeujout fall-yost dirazon
A-daol-dall ,
O komz ur yezh all ,

Aberzh na c'hallen ket
Kompren ,
Estren din al lavar ,
Da zaeroù , E wad ...

Met bepred ha nepred
E wanan
An Den-Bez ,
Skinenn ouezh ,
Ha Kroaz ...

Broudoù 'n E galon ,

Saotr em ene ,
Afo distroet en-dro ,
A zihuno bepred ennon

An hevelep Euzhden

O komz ur yezh all ...

Ha pa c'hellfemp
Mervel " devet " c'hoazh ,
' Harz Menez
E Neved Santel ,

E tlefemp ivez

Lakaat a-nevez

Da gouezhan mui en danvez
Pep hini hon eneoù ?

Ha goude genel , adc'henel ,
A varv da vev ,
A-raok ma teuio
Spered Peurbadel
Enno ?

Kaer 'vefe dezhan
Ar roman garv
C'hoarzhin goap neuze