UNAN BENNAK EVEL-SE - 9 - E-Pad Ma Voredez ... / Pendant Que Tu T'Endors ... / While You Fall Asleep ... ( Doare / Version 2 ) .

27 Janvier 2009 , Rédigé par Dan Ar Wern Publié dans #UNAN BENNAK EVEL-SE ...

Unan Bennak Evel-Se ( 9 )

E-Pad Ma Voredez ...

( Doare 2 )

" Your famous blue raincoat was torn at the shoulder ... "
Leonard Cohen - " Famous Blue Raincoat " *

Derou un devezh eo ,
Ledet war va gwele ,
Ken pell diouzh Sant-Loeiz ,
O sonjal ennout ...
Em c'hambr louet

Ar " Warwick " ,
E teuas ur c'hlizenn warnon ,
'Vel hini an dourioù tenval-se
War vigi

Ar Mississipi ...
Ez kêr-te 'man Dor-dall
Un Tonkad all ,
A gaso dimp pelloc'h ,
Marse ,

'Get va hunvreoù fall ...
O , kaer am bo da ganan 'vidout ,
Al luskellerez-man ,
'Doug ma gouskez ,

Va Aelez ,
Gant an hini a garez ...

P'en em gaves ganin ,
N'az poa laret din tra ,
Nemet gerioù boutin
Ha disterachoù ...
Maouez an ostaleri
'Veze war hon diwall ,
Ne rae ket kalz war-dro
An ostizidi all ...
Hag e tapjout krog em dorn ,
Va c'haredig gaezh ,
Pa gomzjomp eus bokedoù lorn
Deizioù skol

Da vugeliezh ...

Ha padal , ' welan-ni alies
Hon-daou , em hunvreoù kaeran ,
E-pad ma voredan ,
Va c'harantez ...

En digenvez on breman ,
'Vel ma ouiez ,
N'em welimp mui da viken ,
E gwirionez ,
Me o terc'hel sonj ouzhit
Kement ha m'eus graet ,
En ur glask kuzh dit neoazh