AN ERBEDER ( Kelc'h Kentan ) - VIII - Brezel ar Groaz - 11 - An Aotrou Brekilien ( 1 / 2 ) .

17 Avril 2018 , Rédigé par Dan Ar Wern Publié dans #An Erbeder - Le Passeur Des Mondes

The Accolade ( Degemer Urzh ar Varc'hegiezh , 1901 ) / The Dedication ( Ar Sakradur , 1908 ) gant Edmund Blair Leighton ( 1852 - 1922 ) , livour rakfaelour saoz .

Kelc'h Kentan : Da Darzh an Deiz ...

An Erbeder ( VIII )

Trede Lodenn

/ Brezel ar Groaz /

" Un Arouez kevrinus ' zo er Maen ,

Engravet don 'n E wad tanflamm ... "

Novalis - "Heinrich Von Ofterdingen "

- Ar Skarbouklenn .

- Brezel ar Groaz -

11 - An Aotroù Brekilien ( 1 / 2 )

( Lizher Roll / Dornskrid ar Mestr )

" Palefarzhet en aour d'an unanvet ha pevarvet , e hoc'h-gouez spontet en sabel ; adpalefarzhet en arc'hant d'an eilvet ha trivet gant daou dour amzerioù aour kranellet gant pevar pezh en gul ha leinet gant peder vrizhenn en erminoù . "

Ardamezioù Brekilien

" Ar c'hwileien-raden n'o deus ket a roue hag ez eont er-maez holl dre vandennoù . "

Krennlavarioù , 30 , 27 - ( Ger ar Roue Salomon ) .

1 - 'Vel ur Rozenn o Tiwanan ...

Pariz , d'ar 16 a viz Gouhere 1909

" ... Ennon e tarzh ar vouezh-man a-nevez , hini Tadig , heson ha boud 'vel bourbouilh un eiennen dour dihesk , me sonj' din , dasson eus penn pellan ar beurbadelezh 'dreuz he c'hantvedoù diamen a-viskoazh .

Ha pe vern din egor ha mentad an deizioù , buhez pe varv , kealioù hollek ha difetis evidon e gwirionez , o vezan ma voe skoet un taol pounner em c'halon o sonjal e kemenadenn badus ar gefridi bet fiziet ennomp ?

Aze 'man pep tra , te ' wel , 'barzh ar goadeg-man eus an tu all d'ar bez ma vez kuzhet enni ar respontoù gwir nemetken a glaskemp , kinkladur mojennoù anezhi , ma hunvreemp ennan dirak ar Maen kizellet ' oa test benniget eus amzer c'hoarioù hon bugaleaj ... ( 1 )

N'hon doa ket anavezet Brezel Bras ar Groaz endeo ?

Met dek vloaz ' zo tremenet hepken ' doug ma ne m'eus ket skrivet dit .

Marse out bet kerse ganin ? Ha disonjet ' teus diouzhit ?

Pe , kentoc'h , e sonjes ' oan gwarizius o terc'hel hep rannan grik an droug-man ganin ?

Diouzh va c'hoant ez a war nij va ene dre va c'housk a-wechoù , o sevel klask un dra bennak all dispis du-hont , e amc'houloù va c'hambrig :

ha 'vel ur boupenn pe vroust ur rozenn o tiwanan kroget aon ennan diwar glizhennoù ar mintin , ez an davedout , ez an daveti ...

Aet eo ar vleunienn da benn he hent , me ' oar-me breman , ha tost da vat ivez na zigoro ket er bed-man .

N'eo ket ar memes hini ma teuio-en da c'hedal ac'hanomp koulskoude , an hent bet kemeret ganeomp mil bloaz ' zo ?

Sell'ta , ur walldaol ' zo degouezhet : rak penseet eo bet bagig ar Mestr , eman o c'hortoz eur e " Sevenidigezh " Diougan kozh Arianrodh ! ( 2 )

Ha neuze , ' meus he adwelet-hi , Virjinia , ha kredin a ran o deus he skrapet ! ( 1 )

Pegen buan e tro Rod an Tonkadur a-hed ar c'hantvedoù , buanoc'h 'get hini Mog-Ruith , hon Drouiz kehelet a embann gwallzarvoudoù an Diskuliadur ! ( 3 )

Bez'e vo reuzioù bras , ha gwalc'hin gwad o zorfedoù a ranko kalz en ur mor a boanioù kriz ha daeroù !

Te , va breur , plij ganit dougen dre druez ar pouez-man war da zivskoaz , o santout gant naderezh ur sekred ' oa deut re bounner 'vidon , e samm o vezan rannet 'trezomp hon-daou hiviziken .

Rak 'vel ken pell ' zo ' m eus te dilennet da vignon feal , va c'haer , met ' teus ankouaet aspadennoù diwezhan ur c'hrennoad a-wechall marteze , bet dismantret anezhan gant trouz an armoù hag hini an avel o strakal dre wez diskaret hon deizioù kent ?

Istor Riou Lohieg

I - Disparti

2 - Erminig

" ... Mont a rejomp kuit en avantur Doue , neuze !

Envorin a ran c'hoazh seurt lid-se ken fromus hor c'himiadoù , pa oa ret dimp em zispartian diouzh hon tiegezh !

Dilezet 'm boa va fried e kastell Lohieg en derc'hent . Erminig ' oa bet he anv , ha daoust ma n'he ket doa kalz a garantez ouzhin , deut ' oan d'e c'houzout diwezhatoc'h , e skuilhen daeroù leun a dristidigezh koulskoude o sonjal ne welin ket ken evit pell he blev melen liv an heol .

- Va dousig-koant , a hibouden dezhi e pleg he skouarn flour ha tener va mouezh , omp touellet alies gant ar pred o tec'hel hag o fuin , met e chom e don-donan hon ene ur wir garantez da viken , ne chench ket !

Ne oa den ebet da c'houzout ma vefe tu dimp dont en-dro d'ar gêr e gwirionez , ha rak-se e rede puilh an daeroù war vougennoù va mamm !

Kaset oa bet an abardaez-noz nepell ganeomp , d'al lec'h ma anneze hon Pennaotroù-Kont , ha pa errujomp du-man , e welis plac'hed yaouank bennak an tiad , holl goant ha kaer-tre anezho , a vrode satin e toull ur prenestr .

Kavout a raen Huon Koadkaden en-dro , am boa aet da besketan pe chaseal gantan ken alies 'kreiz an natur . Desavet ' oa bet ivez du-man en hon ti , rak da vont da varc'heg edo ar boaz e Breizh da guitaat oaled an tad : ur yaouerig faro ' ao va c'henderv , a strive da guzhat e doareoù rust a vrezelour e galon vat , teneridigezh ur barzh enni !

A-vec'h ma oa bet damguzhet gant e gadarnded e du " gizidik " pa likaoue ar merc'hed o larout komzoù kaer a zegase from dezho a-hend-all .

Evidon-me ' oan deut e vignon da gentan , met e vefe dav din e servijan 'vel skoedour bremaik .

D'an deiz Nedeleg un tamm ' raok mont kuit ' oamp bet armet gant e dad Brian d'am sonj .

Ha pegen envorus ' oa deut an deiz-se goude 'vidomp !

D'an oabl steredet a zaskrennoù lieslivek e adwelan anezhan c'hoazh , 'vel ur c'hleze-meur o lugernin diwarnan e livioù roz-mouk ul lavandig-mor divarvel !

Gwisket hepken gant un doneg wenn , sae ruz-flamm ha roched houarn du a-grenn warni , e taoulinjomp didrouz 'vel paotred vat ha jentil dirazan , novised kentoc'h bet simudet , aon ha sebez enno , gant ul lid ken sakr evel-se !

Ha daoust ma voent enoret gant ar gontez , en em gavemp ken brevet gant bec'h hon kefridi hag ar gwall samm a vefe lakaet en dazont war hon divskoaz war un dro !

Beniget ' oa bet hor c'hlezeier pa oa bet kanet an ofis . Adwelout a ran c'hoazh nini va mignon anvet " Brekilien " , entok hir anezhan a zalc'he ken start ha lorc'h ennan e boz e zaouarn , tra ken prizius evitan a zeue dezhan a-berzh breur e dad , eontr Tangi bet lazhet 'pad alouberezh Bro-Saoz !

Klevout a ran c'hoazh mouezh krenv va faeron oc'h en em zistagan diouzh bourbl an engroez brizhellet , hag a zassone 'kreiz krommenn bolzadurioù ar sal vras :

- Pep marc'heg a zle bezan eeunded ha lealded nevez gantan war un dro , a embannas . Difenn ar Beorien a rank ober ivez 'vit ma ne vefe ket gwasket gant ar Binvidien , rein harp ha skoazell d'ar Re Wan 'vit o frealzin en doare ma ne vefe ket mezhekaet gant ar Re Uhel ha Galloudus ... ( 4 )

E 1095 e oa , bec'h deomp bezan ugent vloaz , oad flamm an entan , ar birvilh hag ar froudennoù ! Selaou a rejomp ouzh istorioù illur hini pe hini eus ar marc'heien , unan anezho o tont buan hon Haroz en endro ar stourmadennoù hag an tournamantoù !

( Da Vezan Kendalc'het )

___

DAN AR WERN - An Erbeder ( Kentan Kelc'h ) - VIII - Brezel ar Groaz - Trede Lodenn - 11 - An Aotrou Brekilien ( 1 ha 2 ) - Pep gwir miret strizh - All rights reserved - Tous droits réservés . " An Erbeder " ( Le Passeur des Mondes ) , copyright 2005 SGDL / Dan Ar Wern hag Arbredor.com 2007 ha 2008 ( Numerical Version ) - Breton Version / E Brezhoneg .

___

Notennoù :

1 - "An Ti Achantet " ( La Demeure Enchantée ) ( I , 3 - Brekilien ) : " Ar Roc'hell Flamm " .

2 - Arianrodh , doueez ar wengelouriezh kembraek o talvezan kement ha "Rod Arc'hant " he anv ( Mabinogi ) .

3 - Mog Ruith , drouiz mojennel ar vitologiezh iwerzhonat o vezan e arouez ar Rod Kosmek hag a vefe deroù gwallzarvoudoù an Diskuliadur e zistro .

4 - Touadenn ur marc'heg .

Partager cet article