AN ERBEDER ( Kelc'h Kentan ) - VIII - Brezel ar Groaz - 11 - An Aotrou Brekilien ( 17 - Al Lans Santel ) .

12 Avril 2023 , Rédigé par Dan Ar Wern Publié dans #An Erbeder - Le Passeur Des Mondes

Corrado Mezzana - Cristo in Croce e San Longino ( Rome , Basilique Saint Eustache )

Kelc'h Kentan : Da Darzh an Deiz ...

An Erbeder ( VIII )

Trede Lodenn

/ Brezel Ar Groaz /

" Un Arouez kevrinus ' zo er Maen ,

Engravet don 'n E wad tanflamm ... "

Novalis - " Heinrich Von Ofterdingen "

- Ar Skarbouklen .

- Brezel ar Groaz -

11 - An Aotrou Brekilien

( 11 )

( Lizher Roll / Dornskrid ar Mestr )

" Palefarzhet an aour d'an unanvet ha pevarvet , e hoc'h-gouez spontet en sabel ; adpalefarzhet en arc'hant d'an eilvet ha trivet gant daou dour amzerioù aour kranellet gant pevar pezh en gul ha leinet gant peder vrizhenn en erminoù . "

Ardamezioù Brekilien

" Ar c'hwileien-raden n'o deus ket a roue hag ez eont er-maez holl dre vandennoù . "

Krennlavarioù , 30 , 27 - ( Ger ar Roue Salomon ) .

Istor Riou Lohieg

II - An Ergerzhadeg

17 - Al Lans Santel

" Diwar ar c'hwec'h kant mil den ' oa aet en o hent er penn kentan , ne chome breman 'met pemp-warn-ugent hepken , marc'heien an darn vrasan anezho , rak ne zreitbevas ket tud vunut ar werin o doa o heuliet , siwazh !

Azia-Vihanan 'oa o bez !

An tec'had Yagi-Sian ' oa bet lazhet gant ur c'hleze , hag e benn zegaset d 'ar vistri nevez !

Evel ma ne c'helled ket da gemer ar c'hrenvlec'h betek-henn , e teuas war e skoazell ur prins Mosoul anvet Kerbora , a lakaas seziz warnan d 'e dro . ( 29 )

Etre an dir hag an tan edomp o c'hortoz ! Ha ken dic'hoanag 'oa deut an traoù evidomp ma tegouezhas un deiz d 'hon sikour lu bizantat Aleksi Komnen , met e tleas an hini-man mont bremaïk war gil ivez a-benn ar fin !

Neuze eo e c'hoarvezhas ur burzhud

nevez !

Kemennet en e hunvre ' oa bet deuet dezhan marteze a-berzh Doue dre e gousk , e tiouganas un den eeun , ma doullfed don ' barzh an douar , ' vefe kavet ivez al Lans Santel he doa toullet kostez hor Salver Jezuz- Krist ! ( 30 )

Startijenn a zegasas ar c'heloù-man da strolladoù soudarded hon arme , renet mat gant Jafrez , Tankred ha Bohemond !

Dre ziouer a gezeg e tleas mont war o droad ar Groazidi a kasas da netra al lu turk da c'houde , neoazh , kalz nebeutoc'h kadarnaet ma veze brudet anezhan .

Hag e rankas ar c'hrenvlec'h en em zaskorin en diwezh .

Baroned a zivizas chom betek an diskar-amzer , met e kouezhas ur c'hlenved-red warnomp .

Ademar Monteil a varvas , en a oa bet penn bras speredel hag ene Brezel-se ar Groaz , gwarant ivez un emglev-mat etre e bennoù .

( Da Vezan Kendalc'het )

____

DAN AR WERN - An Erbeder ( Kentan Kelc'h ) - VIII - Brezel ar Groaz - Trede Lodenn - 11 - An Aotrou Brekilien ( 17 - Al Lans Santel ) - Pep gwir miret strizh - All rights reserved - Tous droits réservés . "An Erbeder " ( Le Passeur des Mondes ) , copyright 2005 SGDL / Dan Ar Wern hag Arbredor.com 2007 ha 2008 ( Numerical Version ) - Breton Version / E Brezhoneg .

____

Notennoù :

29 - Kerbora , atabeg Mosoul ( 1096 - 1102 ) .

30 - D'an dek a viz Mezheven 1098 , ur manac'h-rous divrud anvet Per Bartelemi a lavaras en doa gweledigezhioù Sant Andrev o tiskulian dezhan e oa kuzhet al Lans Santel er gêr .

Per Bartelemi hag al Lans Santel Antioc'heia dindan lezenn an Aotroù Doue , gant Gustav Doré ( 1832 - 1883 ) , engravour , livour , kizellour elzasat .

Partager cet article