mosaique i

MOSAÏQUE - I - PENTATEUC'H / AMAN HAG AHONT - 2 - Kuzhuligoù Re Nes D'am C'halon / Confidences Trop Intimes .

27 Juillet 2006 , Rédigé par Dan Ar Wern Publié dans #MOSAÏQUE I

Kuzhuligoù Re Nes
d'am C'halon

" Ar gerioù-se ken tost d 'an ene en empenn , gant red an elvaj hag ar gwad ... "

Anna de Noailles - " La Nouvelle Espérance " ( Ar Goanag Nevez ) .

Pennad Daoù
27 a viz Gouere 2006

" O vont en hent ur seurt Ermaeziadeg neuze , ez eomp war un hent er-maez diouzhimp na oa ket rakprederiet ganimp ivez ... "

Ermaeziadeg , 3 , 1-15 .

Ti-Pedin al Louvre - Azeulerezh protestant 28 a viz C'hwevrer 2016 ,
Prezeg ar Pastor Jean-Pierre Rive .

Goude holl e c'hellfe bezan pep hini unan eus tudennoù ar film Patrice Leconte ,

" Kuzhuligoù Re Nes d'am C'halon "

( Confidences Trop Intimes ) , kenwerc'het e 2004 . ( 6 )

C'hwi pe me , n'eus forzh piv en deus klasket gouzout mil dra a bouez diwar-benn e vuhez ( he buhez ) e-unan ( he-unan ) un deiz , hag ar perzh 'zo bet roet dezhan

( dezhi ) ganti 'vit ober van : kuzhulier war an telloù evit William , gwerzherez sac'hoù-beaj evit Anna ...

Met , a-wechoù , e vezomp dihenchet dre " zegouezh " , o tigerin un nor all war ur bed iskis , lec'h ma kejomp gant unan bennak fromus , ha neuze e kredomp bevan un istor a garantez dic'hall , kuzhet a-drenv da gomzoù forc'hellek , re hon Tonkadur :

" Effata " ! ( 7 )

" Me ' gomz ganeoc'h , selaouit ouzhin , mar plij ... " , setu ar gevrat zibrizh o deus sinet gant bredelfenner(ez) o c'halonoù rannet , o eneoù brevet daou zanser war glask o c'hempouez e-kreiz ur sonerezh romantel-tre , tenval ha kevrinus war un dro , hini Pascal Estève .

Strivet em boa me ivez d'ober traoù evel-se gant skridoù ac'hanon anvet " Ar Gejadenn " pe " Gernevez " ... ( 8 )

( Da Vezan Kendalc'het )

___

DAN AR WERN - MOSAÏQUE - I - PENTATEUC'H / Aman Hag Ahont - 2 - Kuzhuligoù Re Nes d'am C'halon - 27 a viz Gouere 2006 - Pep gwir miret strizh - All rights reserved - Tous droits réservés . " Aman Hag Ahont " , copyright 2006 .

___

Notennoù :
6 - Confidences Trop Intimes / Kuzhuligoù Re Nes d'am C'halon - Sélection Officielle Berlin 2004 - Studio Canal - Gant Sandrine Bonnaire , Fabrice Luchini . Sonerezh : Pascal Estève . DVD = KNL ( Kantenn Niverel Liesarver ) .

7 - Niverenn Ispisial " Le Point " ( Niv. 7 , Meurzh / Ebrel 2006 ) : testennoù diazezel ar bredelfennerezh .

Effata , en arameeg , a dalvez :

" Digor ! " , lavaret d'ar bouzar mut gant Jezuz pa yac'haas anezhan ( Mark , 7 , 34 ) .

8 - " Ar Gejadenn " ( La Rencontre ) , " Kernevez " ( Villeneuve ) , danevelloù gant Dan Ar Wern e-barzh " Auberive " ( Heuliad

ar Sterenn , 3 ) , copyright Dan Ar Wern 2017 / EDILIVRE .

MOSAÏQUE ( Mozaik / Mosaic ) - I - PENTATEUC'H / AMAN HAG AHONT - ICI ET LA - HERE AND THERE ( Kronikennoù ur Breton Harluet ) - 1 - The Lovely Linda .

20 Juillet 2006 , Rédigé par Dan Ar Wern Publié dans #MOSAÏQUE I

PENTATEUC'H

The Lovely Linda

Pennad Kentan
12/05/2006

" Gouez penaos da lignez a vo estrañjour en ur vro na vo ket dezhi , ha penaos e servijo an dud anezhi hag e vo gwasket e-pad pevar c'hant vloaz " .

Geneliezh , 15 , 13 .

Gwelet dec'h ur film skinwel fromus diwar-benn buhez Linda McCartney ( 1941 - 1998 ) skignet evit ar wech gentan war M6 , ha bet savet e 2000 gant Armand Mastroianni , an hini en doa graet ivez filmoù ar stirad polis brudet " Mary Higgins Clark " . ( 1 )

Anzav a ranker ez eo plijus-tre kavout evel-se seurt istorioù a-zivout tud hon eus karet , evel ma oar ober ken mat an Amerikaned .

Met diouzh an abardaezh em eus tapet , siwazh hervezon-me " dre zegouezh ", un draig a-dreuz e-barzh divizoù " Julie Lescaut " ( TF1 ) .

Unan eus an harozed , neveziant yaouank un anv breizek gantan , a lare da vMouss Diouf :

" N 'on ket Breton daoust d'am anv . Eveldout eo , n 'out ket Afrikan . Evidon-me , on ganet e keoded ar 4000 er C'hourneuv ! "

Tour Babel ?

( 2 )

Ha n'eo ket un druez klevout seurt diotachoù war ar skinwel , anezho bet laret a-ratozh-kaer , d'am sonj , 'vit treuzkas meizadoù jakobin hollvedour ur Stad republikan kreizennet e pelec'h ez eo tu da bep hini dont da vezan buan ur " wir c'heodedour Bro-Frans " hep gwrizioù ebet !

Neuze , ne vefe nemet martoloded-pesketaerien ar Vreizhiz evito , war a seblant ? Pe blouked hepken ?

Evit gwir eo kalz muioc'h eget-se hor Breizh evidomp-ni Bretoned ar Bed , kalz ledanoc'h neketa ?

Un hollved a-bezh , ha ganti ur Bobl , un Istor , hag ur gwir Sevenadur ivez !

N'eus forzh pe lec'h e vefemp o vevan - estaj pevarzek un HLM ? - ( 3 ) , e-touez Arabed pe Sinaiz , e Bro-Frans pe er Stadoù-Unanet . Perak nann ?

Ha perak ket adlenn ivez ganto levr Roparz Hemon ( 4 ) , hini Morvan Lebesque ( 5 ) pe zoken , ar Geneliezh ?

( Da Vezan Kendalc'het )

___

DAN AR WERN - MOSAÏQUE ( Mozaik ) - I - PENTATEUC'H / Aman Hag Ahont - 1 - The Lovely Linda - Pep gwir miret strizh / Tous droits réservés / All rights reserved . " Aman Hag Ahont " , Copyright 2006 .

___
Notennoù :
1 - " The Lovely Linda " , ur ganaouenn gant Paul McCartney , EMI Records LTD / MPL Communications 1970 .

" The Linda McCartney Story " ( 2000 ) , film Armand Mastroianni gant Elisabeth Mitchell . ( US )

2 - " Julie Lescaut " , stirad skinwell polis Bro-C'hall ( 1992 - 2014 ) gant Véronique Genest ha Mouss Diouf ( 1964 - 2012 ) , aktor gall a orin afrikan .

3 - HLM = AFA ( Annez Feurm Argrenn ) e Brezhoneg .

4 - " Ur Breizhad Oc'h Adkavout Breizh " , AL LIAMM , 1972 .

5 - " Comment peut-on être Breton ? " , Le Seuil , 1970 .

<< < 1 2